Ветеранд золһв

Сегодня, 12:55 | Общество, Таңһчин зәңгс, Хальмг Тањєчин Толєачин ґдр-бўр, Зіњг

Эн өдрмүдт Төрскән харсгч Алдр дәәнд орлцач Петр Леонтьевич Леонтьев таңһчин эмнлһнд эрүл-мендән батрулҗана. Хальмг Таңһчин Толһач Хаска Бату ветеранд золһҗ одв.
Царцад, гемтсн бийнь ветеран ду дуулад, эрүл-менд харлһна көдләчнр килмҗән тусхаҗ эмнҗәхиг темдглв. Хаска Бату ирснд Петр Леонтьевич байрлад, таңһчин босхмҗин төлә үнн-чик седклтәһәр көдлсән тодлв. Таңһчин әмтнлә хамдан тосхлтын халхар көдлҗ йовсан ветеран келв. Келхд, эн җил Әрәсән тосхлтын халх бүрдснә 70 җилин өөн болв, тегәд таңһчин тосхлтын ветерана тодлврмуд нег үлү чинртә болв.
- Петр Леонтьевич шулун эдгәд һартха, мана ачта ветерана цаһан седкл мадниг урмдулҗ йовтха, - гиҗ Бату Сергеевич дурдҗана.
Хальмг Таңһчин эрүл-менд харлһна министрин үүл дааҗадг Мушаран Арслң таңһчин социльн делгрлтин, күч-көлснә болн көдлмшәр тетклһнә министр Нахошкинә Мингиян хойр Хаска Батуг дахад ветеранд золһҗ одв.

Мана зәңгч

Видео