Хальмг теегин үрн

13-04-2023, 10:28 | Общество


Хальмг улсин шүлгч Əрǝсǝн Федерацин болн Хальмг Таӊһчин сойлын ачта кɵдлǝч, нертǝ орчулач, зальта үгтǝ седкүлч Нуура Владимирин 85-ч җилин ɵɵнд нерǝдсн керг-үүлдврмʏд ɵргнǝр мана таӊһчд давулгдҗана.

Күн болһнд ɵсч-боссн эврә һазр бǝǝнǝ. Энүнә шим-шүүснǝ күчǝр, уург-аһаринь киилҗ бооҗад, ɵсǝд, батрад, «һарнь һанзһд, кɵлнь дɵрǝд күрǝд», күн болдг гиҗ келдг мөн.
Хальмг күүнд эӊкр һазрнь – эӊ-зах уга теегнь мɵн. Нуура Владимир – теегин үрн. «Теегин һарһсн кɵвүнь болдв. Тер кевǝрн үлдхǝр седнǝв», – гиснь мел үнн. Тɵрскн һазр, энүнǝ йиртмҗ, тууҗнь, хальмг улсин җирһл, келн-сойлнь Нуура Владимирин шүлгүдин дүрмүдлǝ бат залһлдата. Өсәдбоссн һазр, хǝǝртǝ хальмг теегнь шүлгчин ухан-седклднь даӊгин йовата. Теегтǝн нерǝдҗ, магтҗ, буульҗ бичсн шүлгүднь олн. Теегтǝн, эврǝ һазртан нерǝдсн шүлгүднь түүрвǝчин һол уха-санаһинь илдкҗ, сурһульчнрт һазр-усндан дурта, тɵрскнч седклтǝ, ухата, тоолврта болтн, гисн уха заана. Тегǝд чигн бидн сурһульчнриг бичǝчин җирһлин, үүдǝлтин хаалһла кичǝлдǝн таньлдулад, «Тег – мини тǝвсн хɵв» гидг шүлгүдин марһа давулвидн.
Элст балһсна 4-ч тойгта дунд сурһулин багшнрин нерн деерәс күндтә Владимир Дорджиевичиг ончта өөнләнь әрүн цаһан седкләсн йөрәҗ, олн сән тоот дурдҗ, шүлгән нерәдҗәнәв.

ЭӉКР БИЧӘЧД НЕРӘДҖӘНӘВ

Буһу гидг хотнд тɵрсн,
Билгтǝ мана улсин шүлгч.
Бичкнǝсн дала му үзсн,
Батрад ɵсǝд-боссн бичǝч.

Экǝн дахад киитн Сиврт
Энлǝд, даарад, зовлӊ эдлǝд,
Эрклү үрн экǝн дɵӊнǝд,
Эрдм-сурһульта болҗ ɵссн.

Тɵрскн һазрнь чидл урһаһад,
Теегнь тǝвсн хɵвнь болад,
Тасртл уга кɵдлǝд, муурхан мартад,
Таӊсг дуута бичǝч болсн.

Таалта бичкдүд, мана сурһульчнр
Теегин туск үүдǝврмʏдинь умшҗ,
Тахшад, ɵсǝд, медрлǝн гүүдүлǝд,
Таӊһчдан, теегтǝн дурта болна.

Солӊһар герлтсн үг хǝǝдг,
Сонр чиктǝ мана шүлгчд
Сарул цаһан хаалһ дурдҗ,
Седклǝн медʏлҗ йɵрǝҗ бǝǝнǝв!

НИМӘН Тамара,
Элст балһсна 4-ч тойгта сурһулин хальмг келнǝ багш

Видео