Москван ик сурһульд одв

15-04-2023, 09:22 | Общество


Шидр Хальмг Таңһчин Толһач Хаска Бату Москва балһсна педагогическ ик сурһульд одв. Төрскн сурһулин бүрдәцд багшнртаһан болн оютнрла харһҗ күүндв. Тодлхас, эн вузиг Бату Сергеевичин экнь бас төгсәсн бәәҗ.

МПГУ-н багшнр җирһлин хаалһднь ямаран тус күргсинь, тер мет оютнрин сурврмудт хәрү өгч, шогта йовдлмудын тускар бас келҗ өгв. Нанла сурч йовсн, өдгә цагт вузд багшлҗадг педагогическ номин кандидат, доцент Илья Николаевла хамдан МПГУ-н хорасар йовҗ, тер мет оютнрин бәәр орҗ хәләввидн, гиҗ Хаска Бату темдглв.
Терүнәс нань таңһчин Толһач цергә-спортивн белдвр болн төрскнч седкл сурһмҗллһна Төвсин йовудт күцәгдҗәх инструктормудын сурһулян төгсәҗәх нег һазра көвүдлә харһв. Сурһуль күнд болв чигн, мана көвүд медрлиг шунмһаһар шингәҗ бийдән тодлҗ авчана, гиҗ темдглх кергтә.
Харһлтын йовудт Хаска Бату Әрәсән Президент Владимир Путинә Зәрлгәс иштә цергч Бамба Нармаевиг «Залу-зөрмгин орденәр» ачлв.
Нег һазра мана улс зөргтәһәр Төрскнәннь төлә церглҗ йовна. Нег үлү дорас өсч йовх баһчудт сән үлгүр болҗ йовнат, гиҗ таңһчин Толһач онц темдглсн болдг.

ОЛЬДАН Цаһан

Видео