Санаторьт амрх путевкар теткв

15-04-2023, 12:00 | Общество

Әрәсән социальн саңгин Хальмг Таңһчар үүлддг әңгин барин цергллтин зәңглсәр, нидн 472 күн санаторн-курортн эмнлһ авхин төлә путевкар теткгдв. Цуһар эдн онц зөв олзлдг төләдән шаңһа социальн дөң авх зөвтә улс болна.

Тиигәд, давсн җилд гемтә-шалтгта 335 күн, эрмдгтә 50 күүкн-көвүн болн эдниг дахҗ йовсн 920 күн санаторьт одад эрүл-мендән батрулв. Эн җилин түрүн һурвн сарин эргцд 30 күн бас путевкар теткгдв, эдн федеральн льготникүдин тоод орна.
Хальмг Таңһчар үүлддг ОСФР-ин социальн көтлврмүдин әңгин һардач Урһадула Юлиян зәңглсәр, иргнә гем болн эрмдгин баг учртан авгдҗ санаторьмуд дунд шишлң марһан зарлгдна. Санаторн-курортн эмнлһнә путевкар теткхин төлә эрк биш эмчәс бәрмт цаас авх кергтә.
Санаторьт эмнлһ авлһн седҗәхән, тиигәрән күрхин болн хәрҗ ирхин төлә һарсн һаруһинь социальн туслмҗин халхар даңцана. Путевк авхин төлә онц зөв олзлдг күн санаторн-курортн эмнлһ авхар медүлнә. Кемр иргн өңгәр олна көлгәр йовхин ормд даңцалһна мөңг авсн болхла, тер цагт эн санаторь күртл эврән күрч хаалһин һаруг бийнь даана. Мана таңһчин әмтн нурһлҗдан Кабардино-Балкарь Республикд, Анапа, Геленджик болн Кисловодск балһсдт бәәдг санаторьмудт эрүл-мендән батрулҗ чадна.

БАТАН Сәәхлә

Видео