Онлайн эв-арһар дууһан өгтн!

20-04-2023, 09:00 | Общество


Бəəсн һазртан сəн таал тогтаҗ, цецрлг (сквер, парк), бичкдүдин талвң чигн тосххин төлə күн болһн дууһан өгч чадҗана. Энүнə туст сүл һурвн җилин туршарт мана орн-нутгт онлайн кевəр дууһан өгнə. Эннь хөн сарин 31 күртл давхмн.

Əрəсəн Президент Владимир Путинə седвəрəр күцəгдҗəх бəəрн һазрт болн балһснд сəн таал тогталһна Келн-улсин төсв эргндк бəəдлиг ясрулхд туслна. Урдк җилд нəəмн паркд болн бичкдүдин талвңд сəн таал тогтагдв. Өдгə цагт болхла таңһчин арвн хойр селəнд, тер мет Элст, Лагань, Городовиковск балһсдт ирлцңгү көдлмш бас күцəгдҗəнə. Цуг эн объектс олн-əмтнə дууһан өглһнə йовудт батлгдв.
Күндтə нег һазра улс, тана нилчəр онлайн дууһан өглһнə ашар мана таңһч хойр дəкҗ нүүрлгч тавн региона тоод орсмн. Цааранднь чигн иим кевəр эн төсвд орлцҗ, дууһан өгтн, гиҗ таңһчин Толһач Хаска Бату дуудвр кев. Арвн дөрвн настаһасн авн күн болһн эн керг-үүлдврт орлцҗ чадҗана.
Тааста объектин эс гиҗ дизайн-төсвин төлə һурвн эв-арһар дууһан өгч болна. za.gorodsreda.ru сайтд орҗ, волонтермудын дөңгəр болн «Госуслуги» туслмҗин порталд дууһан өгч болна.

ОЛЬДАН Цаһан

Видео