Түүмрəс харсдг əңг секгдв

20-04-2023, 11:30 | Общество



Одахн Октябрьск района Цаһан Нур поселкд түүмрəс харсдг əңг секгдв. Зурһадгч тойгта шин əңг Цаһан Нур, Босхач, Хошеут, Чарлакт болн Өвдг поселкудт бəəдг улст түүмрин əəмшг уга бəəдл тогтахмн. Темдглхəс, Хальмг Таңһчин Толһач Хаска Батун даалһврар таңһчин болн муниципальн саңгас эн əңгин тосхлтд мөңгн йилһгдсн билə.

Байрин бəəдлд давсн керг-үүлдврт Хальмг Таңһчин Залврин һардачин дарук Нарн Кюкеев, таңһчин ЖКХ-н болн энергетикин министр Виктория Мангутова, Хальмг Таңһчар үүлддг Əрəсəн МЧС-ин Заллтын һардачин дарук Анатолий Носачев болн Октябрьск РМО-н толһач Басң Убушаев орлцв. Нарн Кюкеев «Балһснд сəн кец-таал тогталһн» федеральн көтлврт дууһан өглһнд олнəмтиг орлцулсн Ик Царңгин селəнə муниципальн бүрдəцин волонтер Екатерина Васкеевад Əрəсəн тосхлтын Министерствин Ханлтын бичг бəрүлҗ өгв.
Түүмрəс харсдг зурһадгч тойгта əңг шаңһа көтлвриг хаһлсн деерəн, терүнəс нань көдлмшч шин немр ормс бүрдəлһнд туслв.

КАРСАНА Евгения

Видео