Эмгнә зул

Нег асхн Бурхн Багш уул деер маань умшх бәәсмн. Энүг әмтн күләҗәҗ. Харңһурҗахла, күн болһн Багшиг тосхар цөгцдән зул өргсмн. Нег эмгн цуһараһаснь бичкн болн хуучн цөгц авч ирв. Әмтнә наад төртән авлго теднә цөгцлә хамдан цөгцән зогсасмн. Цөгцин йорал әрә шар тосар бүркгдҗ. Бичкн цөгц хулдҗ авхин төлә угатя эмгн бәәсн өлг-эдән, толһананнь үсән чигн хулдҗ…

Генткн догшн салькн босад, әмтнә зул унтрачкв. Һанцхн эмгнә зул унтрсн уга. Хамгин бичкн цөгциг наадк цөгцс салькнас халхлсмн. Тегәд харңһуд бичкн цөгцин зулас герл һарад бәәв. Тиигхлә, Багш эн бичкн цөгц авад, цуг цөгцсд герл орулҗаһад келсмн: «Һазр деер нег очн үлдвчн, иткл геедршго».