Хальмгин Баатрин ач-тусинь темдгләд

27-04-2024, 15:30 | Таңһчин зәңгс » Зіњг

Шидр болсн Хальмг Таңһчин Улсин Хуралын дарани биш сессин эклцәр парламентин Ахлач Артем Михайлов депутат Болдра Валерий һарсн өдрән темдглҗәнә гиҗ келәд, сүүрт орлцачнрин нерн деерәс Валерий Астаевичд бат эрүл-менд болн хөв-кишг дурдв.
Сессин чилгчәр олн зүсн төрмүд хәләгдсн билә, депутат Кокан Михаил Хальмгин Баатр Болдра Валерийиг «Әрәсән күч-көлснә Баатр» гидг өөдән ачлврар ачлх эрлһ орулхин туст седвәр татв. «Валерий Астаевич олн җилин эргцд Хар Һазра района «Первомайский» тохма мал асрдг эдл-ахуг чадмг кевәр һардҗ йовна, олзта-орутаһар үүлдҗ, Адг селәнә социальн делгрлтд ик тәвцән орулҗана. Болдра Валерий таңһчин Улсин Хуралын (Парламентин) депутат болҗ тавдгч хуралтд үүлдҗ, зака үүдәгч халхар бас күцәмҗтәһәр көдлҗәнә. Эн күүнә ач-тусинь орн-нутгин шаңһа ачлврар темдглх кергтә», - гиҗ селәнә эдл-ахун комитетин ахлач Кокан Михаил келв. Таңһчин Улсин Хуралын Ахлач болн депутатнр Михаил Улюмджиевичин седвәриг нег дууһар дөңнәд, кергтә бичг белдх шиидвр авв.
ДАВАН Наталья

Видео