Цергә керг-үүлдврт орлцачнриг дөңнәд

27-04-2024, 16:54 | Таңһчин зәңгс » Зіњг

Хальмг Таңһчин зурачнр цергә шишлң керг-үүлдврт орлцачнриг дөңнхин төлә «Художники Калмыкии – СВОим» нертә буйнч седклин һәәхүл бүрдәхәр шиидв. Зурачнр эврәннь үүдәврмүдән өңгәр авч ирәд, һәәхүлд үзүлхмн. Һәәхүлд ирсн күн болһн таасгдсн зургиг хулдҗ авч чадхмн. Олсн мөңгн Хальмг Таңһчин Төрскән харсачнрин өрк-бүлмүдин Комитетин региональн штабд илгәгдәд, цааранднь цергә шишлң керг-үүлдврт орлцачнрт керглгдҗәдг тоот цуглулад йовулгдхмн.
Һәәхүлд В.Дорджиевин, В.Тереховин, А.Поваевин, С.Ботиевин, В.Куберлиновин, Ю.Давыдовин, О.Чудутовин, О.Хейчиевин, Т.Цонхлаевин, М.Мошулдаевин, В.Киштановин, И.Чмеревин болн талдан зурачнрин үүдәврмүд хулдгдхмн.
Амр биш цагт мана орн-нутгт бәәдг олн келн-улс кезә чигн кен-негән дөңнҗ, олна кергин төлә тәвцән орулна. Бүрдәгдх буйнч седклин һәәхүл эн тоотыг лавтаһар герчлҗәнә. Эн һәәхүл Н.Н.Пальмовин нертә Келн-улсин музейд хөн сарин 1-әс авн 10 күртл үзүлгдхмн.
ОЛЬДАН Цаһан

Видео