Ончта өөнләнь йөрәв

04-05-2024, 15:08 | Таңһчин зәңгс » Зіњг

Хальмгин Толһач Хаска Бату таңһчин күндтә иргн, улсин эдл-ахун ачта көдләч Гелий Ким 90 нас зүүснләнь йөрәв. Ут тоодан 48 җилин туршарт төрскн таңһчиннь делгрлтин халхар эн көдлв. Басан Бадьминович Городовиковин һардврт таңһчан шинәс босхлһнд, тер мет урһциг усар тетклһнә сурвлҗ тосхлһнд, тутрһ урһалһнд болн талдан кергүдт ик тәвцән орулсн күн болна.
– Эндр мел эднә үлгүрәр дамҗад, дорас өсч йовдг үйнрән бидн сурһх зөвтәвидн. Мана өвкнр арһ-чидлән әрвллго сарул-сәәхн мана иргчин төлә, ирлцңгү таал тогтасн болдг. Мана таңһчд олн келн-улс хоорндан ниитәһәр бәәнә. Гелий Константинович «Хальмг-солңһсин иньгллтин ниицә» бүрдәҗ, олн җилдән келн-улсин хоорндк хәрлцәг батрулҗ йовна. Тер мет мана таңһчд үүлддг келн-улсин кесг бүрдәцин һардачнрт ханлтан бас өргҗәнәв. Хальмг Таңһч чинртә төсвс күцәхдән даңгин белн бәәнә. Мана өвкнрин цецн селвгүд, дамшлт учртан авч, Әрәсән болн мана таңһчин цецгәрлтин төлә цааранднь чигн седклән тәвҗ көдлхвидн, – гиҗ Бату Сергеевич темдглв.

ОЛЬДАН Цаһан
Ончта өөнләнь йөрәв
Ончта өөнләнь йөрәв
Ончта өөнләнь йөрәв
Ончта өөнләнь йөрәв
Ончта өөнләнь йөрәв
Ончта өөнләнь йөрәв
Ончта өөнләнь йөрәв
Ончта өөнләнь йөрәв

Видео