Хальмг биичнр Корейд биилхмн

22-06-2024, 13:14 | Общество, Таңһчин зәңгс, Зіњг, Сойл

Өмн үзгин Корейд болх Нарт-делкән марһанд Хальмгин бииһин коллектив орлцхмн. «ALL GENERATION CHAMPIONSHIP» гидг нертә эн марһана Әрәсәд болсн девсңгнь Москвад хөн сарин 18-19-д давла. Ик кемҗәтә эн марһанд Элстин команд орлцла. Бииһин эрдмән сәәнәр үзүләд, Сеулд болх Нарт-делкән чемпионатд орлцх зөв эдн авв.

Бииһин эн халх Өмн үзгин Корейд ик делгрлт авв. Бииһин болн көгҗмин билг-эрдмд әмтнә ик тааслт олсн эн эрдм цуг делкәһәр тарад, олн биичнрт темдгтә болв. Әрәсәд чигн эн делгрҗ йовна. Элстд чигн бииһин корейск эн янзиг баһчуд таасҗ дасчана. «Эволюция» академьд өдгә цага тер бииг дасч болхмн. Эн студьт баһчуд чигн, бичкн биичнр дурлҗ орна. Бииһин эрдмдән тахшад, эдн ода олн-зүсн марһанд орлцҗана. Хореограф Гиляна Санджиева һардҗах «VIALLEN» гидг команд болн хореограф Алтана Мангаева һардҗах «SYZYGY» гидг команд Әрәсән чемпионатд орлцад, бииһин эрдмән сән халхасн үзүлв. 2024 җилин үкр сард Өмн үзгин Корейд болх өдгә цага бииһин чемпионатд Хальмгин команд орлцхмн.

ҖИРҺЛИН Кермн

Видео