Хальмг көгҗмчин үүдәвр

«КТК – билгтә бичкдүдт» гидг көтлвр таңһчд олн җилдән үүлдҗәнә. Энүнд давсн җилд Москваһас көгҗмин багш Валерия Кузнецова ирҗ орлцсн билә. Көгҗмин багш билгтә бичкдүдт мастер-класс өгснь цугтад тодлгдла.
Фортепианод нааддг бичкдүд болн теднә сурһмҗлачнр мергҗлттә багшин мастер-класст орлцҗ, билгин делгрлтд туслх олн тоотыг медҗ авсмн. Валерия Кузнецовад ханлтан медүләд, сурһульчнр көгҗмч Уджан Борисин үүдәврмүдин хураңһу белглсн билә.
Валерия Кузнецова Әрүн алдр гегәрүләч Василин московск гимназьд сурһульчнрт көгҗм дасхна. Эн багшин сурһульч Евдокия Борискина, шүүвр өгчәсн цагтан Уджан Борисин «Теегин нур» гидг наадыг татсмн. Көгҗмин тер үүдәвр Грузьд чигн наадснь әмтнә тааслт олв.
Халх белдснь
ҖИРҺЛИН Кермн