Чинртә тосхлтын төр босхгдв

Шидр Хальмг Таңһчин Толһач Хаска Бату социальн бүрдәцс тосхлһна халхар селвлцә давулв.
Терүнә йовудт таңһчин социальн тетклһнә комплексн төв, Приютна района эмнлһ, Элстин «Баһчудын» микрорайонд шин сурһуль болн дәәнә ветеранмудын госпиталь тосхлһна төрәр күүндвр болв. Тер мет урдк җилд Цугәрәсән марһана ашар Элстин Б.Б.Городовиковин нертә уульнцин ясврин болн Городовиковск балһснд яарм тосхлһна төр селвлцәнд бас босхгдв.
– Өдр ирвәс мана таңһч өсәд-өргҗәд йовна. Олн гермүд босхгдҗана. Амр биш цаг болв чигн көдлмш күцәгдҗәнә, – гиҗ Бату Сергеевич темдглв.
ОЛЬДАН Цаһан