Байрин ик мөргүл болв.

Вчера, 13:56 | Таңһчин зәңгс, Зіњг, Бурхн-шаҗна төрәр

Хулһн сарин 22-т Бурхн Багшин номд шүтдг делкән цуг әмтн хамгин ик байран темдглнә. Бурхн Багш 33 бурхна евәлтә һазрас бууҗ ирсн өдр болҗ тернь күндлгднә.

2024 җилд эн байр басң өдрлә үкр сарин 22-ла ирлцҗәнә. Эн өдр Бурхн Багшин Алтн сүмд байрин керг-үүлдврмүд күцәгдв. Өрүн эрт тер эклв.
Хальмгин төв хурлын барин цергллтин зәңглсәр, өрүн тавн часла нег өдрә самнр авх йосрхлыг гевш Чангчуб күцәв. Әмтн гевшин һардврт Махаянан нәәмн зүсн самнр авч чадв. Шагшавдын халхар бийән чаңһ кевәр бәрхд туслдг самнриг 24 частан бәрх кергтә. Өрүн номд орад, маңһдур өрүн күртл бийән цеврәр бәрх кергтә.
Тогтсн авъясар 9 часла байрин ик мөргүл болв. Бурхн Багшиг болн энүнә әрүн суврһудиг магтҗ номиг гелңгүд умшв.
Үдин хөөн 14 часла өңгрсн улсин санлд нерәдсн мөргүл тогтсн диг-дараһар күцәгдв. Эн өдр ном умшад, мөргүлд орлцад, нег өдрә самнр авсн әмтн ик буй хураснь маһд уга. Зальврад, эк-эцкиннь туст килмҗ һарһҗ бәәхлә, кен чигн күн эн җирһлдән Бурхн Багшин номин евәлд бәәхнь маһд уга.
ҖИРҺЛИН Кермн

Видео