Таңһчин делгрлтин төлә

Урҗ өдр күч-көлснә шин җил эклв. Төрскн һазрин делгрлтин төлә цуһар седклән тәвҗ көдлхәр зүткчәнә.
Эн җил усна сурвлҗна тосхлтын, малын хот белдлһнә шин көтлвр күцәлһнә болн талдан чинртә төрмүд хаһлгдх зөвтә. Тер мет Хальмг Таңһчин делгрлтин шишлң көтлвр цаарандан күцәгдхмн.
– Әрәсән Президент Владимир Путинә дөңнлтәр намртан нарт-делкән шар шаҗна III хург болхмн. Энүг сән йовудтаһар давулх зөвтәвидн. Тер мет эн җилд Алдр Диилврин 80 җилин өөн өргнәр темдглгдхмн. Эндр Төрскән харсч йовдг нег һазра цергчнрт болн теднә өрк-бүлмүдт цаарандан дөң күрггдхмн. Хальмг Таңһч олн-әмтнә төлә соньн болн өвәрц сойлта бәәрн болна. Цуһар ниитәһәр бәәхлә, ямр чигн керг күцәгдәд бәәхмн, – гиҗ Хаска Бату темдглв.