«Хальмгин бамб цецгүд»

Вчера, 13:47 | Таңһчин зәңгс, Зіњг, Марєан

Өдгә цагт мана таңһчин уульнцсар йовхла олн-әмтн, баһчуд чигн хальмг келн-улсин темдгтә хувц өмсч йовснь даңгин үзгднә. Урднь мана өвкнрин өмсч йовсн хувцн эндр дорас өсч йовдг баһчуд дунд ик тааслт олсинь темдглх кергтә. Эн учрас тиим ке-сәәхн хувц үүдәһәд уйҗ һарһхин төлә шишлң эрдмтә улс кергтә болна.

Шидр «Калмыкия» РИА-н барин төвд эн төрт нерәдсн брифинг болв. Энүнд Хальмгин билг-эрдмин ачта үүлдәч Татьяна Милованова орлцв.
Туула сарин 22-т Манҗин Аркадин нертә Хальмг филармоньд баахн дизайнермүдин дунд болсн марһана дииләч Һәрән Аринан «Хальмгин бамб цецгүд» нертә төсвин презентац болхмн.
Татьяна Милованован келсәр, марһанд ут тоодан зурһан күн эрлһән орулв. Цуһар ке-сәәхн хувцнд хальмг теегин йиртмҗин болн урһмлын өвәрциг орулҗ үзүлв. Марһана ашар жюри Һәрән Аринан күцәсн көдлмшиг өөдәнәр үнлв. Баахн дизайнерин көдлмшт бамб цецгүд онц орман эзлв.
– Ирх долан хонгин үлмҗ өдр цуһар Хальмг филармоньд ирҗ, шидр уйҗ һарһсн ке-сәәхн хувциг үзҗ чадҗанат, –гиҗ Татьяна Алексеевна харһлтын йовудт үрвр кев.
БАДМИН Занда

Видео