Зөрмгнь бахмҗ үүдәнә

Төрскән харсачин Өдр угтҗ Хальмг Таңһчин эрүл-менд харлһна министрин үүл дааҗадг Булат Сараев цергә шишлң керг-үүлдврт орлцач Ангелина Худиловала харһв.

Күүкд күн медицинск эгч болн рентген-лаборант болҗ хойр җилдән цергә даалһвр күцәҗ йовна. Күнд шав авсн бийнь эн цергә керг-үүлдврт орлцҗ, зөрмг кевәр болн ик даавртаһар шарх-шав авсн цергчнрт дөңгән күргҗәнә.
Булат Сараев Ангелина Худиловад ханлтан өргҗ, эндрк күнд цагла иим зөрмг улс ик бахмҗ үүдәнә гив. «Тана залу-зөрмг болн Төрскндән эңкр болҗах йовдл цуг маднд ик бахмҗта болн үзмҗтә болна», – гиҗ Булат Амангельдыевич темдглв.
Таңһчин эрүл-менд харлһна министерств цергә даалһвран күцәҗ йовх нег һазра улст белдсн дөңгән йовулв.
БАТАН Сәәхлә