Бәәдл-җирһл улм ясрхин төлә

Сегодня, 10:39 | Общество, Таңһчин зәңгс, Зіњг

Орн-нутгин Хүүвин депутатнрин суңһвр 2026 җилин һоллгч йовдл болв. Хальмг Таңһчин Улсин Хуралын (Парламентин) сурһуль-эрдмин, эрүл-менд харлһна, сойлын, баһчудын политикин болн социальн харслтын төрәр үүлддг комиссин ахлач, Хальмг ик сурһулин һардач Салан Бадм суңһврин йовудын, терүнә ашин туск тоолврарн хувалцв:
Хальмг Таңһчд Әрәсән Федерацин Орн-нутгин Хүүвин йисдгч хуралтын депутатнрин суңһвр давв. Күн болһн эврә хәләцән медүлҗ чинртә кергт орлцв. Бидн цугтан мана таңһчин болн орн-нутгин иргчин туст дааврта болҗахан медүлвидн. Суңһврин нүүрт һарсн партиг бидн дөңнҗәнәвидн, таңһчиг делгрүллһнә энүнә үүлдвр маднд ик туста болҗана, мана орн-нутг өсч-өргҗәд, эвин, хөвтә, кишгтә бәәдл батртха гиҗ бат ицлтә бәәнәвидн.
Суңһврин аш мана хамцлтыг герчлҗәнә. Нарт-делкәд амр биш бәәдл тогтсн болв чигн таңһчд дууһан өглһн дигтә-даратаһар давв. Өдгә цагин суңһврт нам улм икәр әмтн ирҗ орлцв гиҗ келҗ болҗана, эннь орн-нутгин болн таңһчин һардвр күцәҗәдг үүлдвриг суңһачнр олар дөңнҗәхиг герчлҗәнә.
Урдк хуралтын Орн-нутгин Хүүвд болсн суңһврла дүңцүлхлә, «Негдсн Әрәсә» партин төлә дууһан өгсн суңһачнрин то күсдундур холванд өссн болв. Тиигәд иргчдән бәәдл-җирһл улм ясрад бәәх гиҗ мана таңһчин әмтн нәәлҗ, йосна партиг болн терүнә күҗәҗәдг зурасиг дөңнҗәхнь лавта болв.
Барт белдснь Түрвән Һуна

Видео