Сурһульчнрт - зуульчллһна тускар

Мөрн сарин 3-д орн-нутгин сурһуль-эрдмин бүрдәцст «Социальн Әрәсә: туслмҗ болн зуульчллһн» гидг төрәр кичәл болв. «Медрл» гидг Әрәсән олна-шаңһа гегәрлтин бүрдәц Әрәсән Орн-нутгин Хүүвин зуульчллһна комитетин ахлач, «Шин улс» партин гешүн Тарбан Саңһҗла харһлт бүрдәв. Харһлт Москва балһснд «Медрлин Герт» болв.

Тер харһлтд Москва балһсна болн Московск мүҗин тавн сурһулин 7-11-ч классмудын 75 сурһульч орлцв. Харһлтын йовудт күүкд-көвүд депутатд зуульчллһна халхар үүлдҗ, күцәмҗ бәрлһнә төрмүдәр соньмсад кесг сурвр өгв. Тер мет күүндврин йовудт нарт-делкәд Әрәсә зуульчллһна халхд ямаран күцәмҗ бәрснә төр босхгдв. Тарбан Саңһҗ сурһульчнриг соньмсулҗадг төрмүдәр тодрха цәәлһвр өгв. Зуульчллһнд һарч йовхин төлә көлгн гиичлүр, хот-хол, олн зүсн туслмҗ, мөңгн кергтә болна. Мана орн-нутгт зуульчллһна халхиг болн олн зүсн туслмҗиг делгрүлх кергтә. Эн халхин мергҗлтнриг белдх кергтә, гиҗ Тарбан Саңһҗ темдглв.
Сүл тавн җилин эргцд Әрәсәд орн-нутгар зуульчллһн өргнәр делгрҗәнә. Тиигәд, 2023 җилд Әрәсәд 74 сай зуульчллһн, нидн болхла мана 94 сай зуульчллһн тоод авгдв. Сүл җилмүдт мана орн-нутгт 80 миңһн зуульчллһна шин орм бүрдәгдв. Зуульчллһ делгрүллһнд ут тоодан 500 җува арслң олзлхмн гиҗ зуралгдҗана. Сурһульчнр зуульчллһна болн туслмҗ күрглһнә халхар күцәмҗтәһәр үүлдхин, олн зүсн сергмҗтә болн сойлын керг-үүлдврмүд бүрдәхин тускар медҗ авв. «Медрл» гидг Әрәсән ниицән «Новый Херсонес» гидг музейин болн чонҗин бүрдәцин туск видео хәләв.
БАТАН Сәәхлә