Ончта йовдл

24-07-2025, 11:34 | Спорт, Таңһчин зәңгс, Зіњг

Нег һазра арвта мана шатрч Шагҗин Романа күцәмҗ тууҗд орв. ФИДЕ-н хүүв нарт-делкән эрдмчин нер энүнд зүүлһхәр шиидв. Әрәсән шатрин Федерац болхла көвүнә нериг орн-нутгин болн Гиннессин күцәмҗин дегтрмүдт орулх седвәр татв.
Әрәсән шатрин Федерацин президент Андрей Филатовин темдглсәр, тууҗд түрүн болҗ 16 нас күрәд уга гроссмейстермүд орн-нутгин багд орв. Ноха сард Колумбия орн-нутгт болх шатрин нарт-делкән олимпиадт эдн орлцхмн.
– Роман – нарт-делкән, Азийин, Европин болн Әрәсән чемпион болна. Энүнә күцәмҗ олнд үлгүр-үзмҗ болҗана. Шатрин кергиг дөңнхин туст ШОП-ин ул деер гроссмейстер, Әрәсән сенатор Сергей Карякинә шатрин клуб секгдсн билә. Нег һазра улс тенд цуглрад, шатр нааддг болв. Тер мет Хальмгин шатрин федерацин президент Этән Алексейд шатр делгрүллһнд тәвцән орулҗахд ханлтан өргҗәнәв. Шагҗин Романд цааранднь чигн ик күцәмҗ дурдҗанав, гиҗ таңһчин Толһач Хаска Бату темдглв.

ОЛЬДАН Цаһан

Видео