Дөң күргҗәнә

Одахн Целинн района хошмудт түүмрәс көлтә ик һару учрв. Хальмг Таңһчин Толһач Хаска Батун даалһсар селәнә эдл-ахун министр Гаван Тимур тиигәрән одв.
Харһлтын йовудт Тимур Сергеевич, нертә агроном Борис Гольдварг болн Целинн района муниципальн бүрдәцин толһач Опин Эрднь зеткрлә харһсн малчнрла харһҗ күүндв.
– Әмд үлдсн мал 75 тонн шүрүн хотар теткгдв. Тер мет района һардврла хамдан шатсн хаша-хаациг шинәс тосххин туст ирлцңгү шиидвр һарһгдв. Терүнәс нань Борис Гольдварг шатсн идгин һазриг шинҗлҗ хәләв. Зеткрлә харһсн малчнрт нег һазра фермермүд бас дөңгән күргв, эднд ик ханлтан өргҗәнәв, – гиҗ Гаван Тимур онц темдглв.
ОЛЬДАН Цаһан