Әрәсән министрлә харһв

Хальмг Таңһчин Толһач Хаска Бату Әрәсән тосхлтын болн жилищн-коммунальн эдл-ахун министр Ирек Файзуллинлә харһв. Келн-улсин төсвс күцәлһнә, усар тетклһнә, инженерн сурвлҗна болн талдан төрмүдәр күүндвр болв.

Тер мет Бату Сергеевич намртан болх шар шаҗна нарт-делкән хургин белдврин тускар тодрхаһар келв. Энүнә йовудт Элстд болн таңһчд сән кец-таал тогтагдҗана, хаалһс ясгдҗана. Цуг эн тоот зуульчлһ делгрүллһнд туслхмн.
– Әрәсән тосхлтын болн жилищн-коммунальн эдл-ахун Министерствд, нег үлү мана таңһчд ик оньган өгчәдг Ирек Энваровичд ханлтан өргҗәнәв, – гиҗ Хаска Бату темдглв.
ОЛЬДАН Цаһан