Балһсна ясвриг бүрткв

Шидр Хальмг Таңһчин Толһач Хаска Бату залврин гешүдлә хамдан «Сити Чесс» балһсна ясвриг бүрткҗ хәләв.
Тенд шатрин бәәшңд бат ясвр күцәгдҗәнә. Энүнә ул деер баһчудын олн үүлдврин төв болн Хальмгин шатрин күцәмҗин музей секгдхмн. Тер мет эргндк һазртнь сән кец-таал бас тогтагдҗана. Хату девскр, хаалһс, амрлһна ормс тенд ясгдҗана. Һазак шам оруллһна көдлмш күцәгдв болн газар тетклһнә көдлмш бас төгсхдән өөрдҗәнә. Һаха сард болх шар шаҗна нарт-делкән чуулһна гиичнриг тосхар шатрин балһсн белн болхмн.
– Чинртә көдлмш күцәҗәдг улст, нег үлү «Газпром газораспределение Элиста» АО-н һардач Байрхан Эдуардд болн «Россети Юг» ПАО-н һардач Натра Эрдньд ханлтан өргҗәнәв, – гиҗ Хаска Бату темдглв.
ОЛЬДАН Цаһан