ФОМС-ин һардачла харһв

Таңһчин Толһач Хаска Бату залврин ахлачин дарук – социальн делгрлтин, күч-көлснә болн көдлмшәр тетклһнә министр Өлзәтин Маринала болн таңһчин ФОМС-ин һардач Ванькан Гиләнлә көдлмшин халхар күүндв.
Харһлтын йовудт эрүл-менд харлһна, ОМС-ин әңгүдлә медицинск бүрдәцсин хамцу үүлдвр, медицинск сән чинртә дөңгәр тетклһн болн талдан төрмүд босхгдв.
– Така сарин 29-д Хальмгин ФОМС-т 32 җил болв. Эн җилмүдин туршарт эрүл-менд харлһна халхд нег ончта орман эзлсн бүрдәц болна. Тодлхас, Әрәсән Федерацин Хүүвин Ахлач Валентина Матвиенкон нилчәр ФОМС-ин халхар мана таңһчд шаңһас 470 сай арслң демин мөңг йилһҗ өггдв. Тиим дөңгәр таңһчин медицинск бүрдәцсиг өдгә цагин шишлң кергсләр, керглгдҗәдг эмәр болн талдан тоотар теткҗ болна, – гиҗ Бату Сергеевич ашлв.