ЦУР-ин һардачла харһв

Хаска Бату региониг заллһна төвиг (ЦУР) һардсн Бадан Бадмла харһв. Урднь эн олна дөңнлтин штабин һардач болҗ көдлҗәсмн.
- Бадан Бадм баахн, седвәртә, чадмг һардач мөн. Энүнә һардврт олна дөңнлтин штаб орн-нутгт сән гисн бүрдәцсин тоод орсмн. 2023 җиләс авн штабд 2,2 миңһн керг-үүлдвр давулгдв. Энүнә һардврт Лаганя болн Приютна райодт штабмуд секгдв. Эн җил Бадма Владимирович «Әрәсән нүүрләчнр. Политик» гидг орн-нутгин марһанд мана таңһчин нерн деерәс орлцхмн. Әрәсән Президент Владимир Путин йосна бүрдәцсин болн әмтнә хоорндк залһлда батрулх күсл тәвсмн. Нег һазра улсла болн ведомствслә нөкцҗ үүлдснә дамшлтнь ЦУР-ин үүлдвр күцәмҗтә болхд туслх, - гиҗ Хаска Бату харһлтд келв.
БАТАН Сәәхлә