Росгвардейцнрин дунд болсн марһан

Сегодня, 12:28 | Спорт, Таңһчин зәңгс, Зіњг

Шидр Сталинградыг немшнрәс сулдхсн 82 җилин өөнд нерәдәд, таңһчин Росгвардин цергчнр дунд шатрин марһан болв. Заллтын дамшлтта болн баахн шатрчнр терүнд орлцв. Росгвардин Заллтын спортын белдврин әңгин һардач, майор Лиҗин Мергн эн керг-үүлдвриг секв.
– Зөв-йос харлһна бүрдәцсин офицермүд зөрмг өвкнриннь үлгүрәр олна эвин төлә церглҗәнә. Сталинградын дәәлдәнд орлцсн мана өвкнрин туурмҗиг бидн мартх зөв угавидн, – гиҗ Мергн Геннадиевич марһаг нүр угәр секәд онц темдглв.
Марһан нарт-делкән шатрин федерацин зокалар швейцарск кев-янзар давулгдв. Энүнә ашар ах лейтенант Җанҗин Церн һурвдгч орм эзлв, ОМОН-а «Ойрат» багин элч хойрдгчнь болв, ведомственн биш харулын әңгин элч, лейтенат Әңгрән Анатолий болхла диилвр бәрв. Багмудын дунд болсн марһанд ведомственн биш харулын әңгин элчнр бас ончрв.
Удл уга диилвр бәрсн шатрчнр Өмн үзгин дуһргин шатрин марһанд Хальмгин Росгвардин багин ханьд орлцхмн.

ОЛЬДАН Цаһан

Видео