Хар мод суулһв

Сегодня, 14:24 | Общество, Таңһчин зәңгс, Хальмг Тањєчин Толєачин ґдр-бўр, Зіњг

Целинн района Хар булг селәнә өөр олн җилин эргцд урһҗасн һанц уласн олн-әмтн дунд әрүн чинртә болҗ тоолгддг юмн. Нааран әмтн ирҗ мөргәд, ик чинртә йорсхл күцәдг бәәсмн. Харм төрхд, теңгрин аюл моднд харшлв. Олн үйин номар әрүн һазр болсн орм цааранднь чигн цугтаһинь хамцулхин төлә шидр энд хар модн суулһгдв. Хальмг Таңһчин Толһач Хаска Бату болн таңһчин йиртмҗ харлһна министерствин мергҗлтнр мод суулһҗ, әрүн чинртә керг күцәв.
Эднә тоолврар, эн һазрт зуг бат уңгта модд урһаҗ болхмн. Тегәд һанц уласн урһҗасн ормин өөр хар мод суулһх шиидвр авгдсмн. Мана өвкнрин тоолврар, хар модн күчн-чидлин болн ут насна темдг болна. Эн модн энд сәәнәр урһад, тууҗлгч чинртә уласна ормд кесг зун җилин эргцд эргндк йиртмҗиг кеерүлхнь лавта. «Калмлес» модд урһалһна эдл-ахун болн талдан бүрдәцсин көдләчнр арһ-чидлән хамцулад, эн көдлмш күцәв. Уласна бичкн модн хар модна өөр-шидрнь бас батрхнь маһд уга.

Видео