Зуульчллһн делгрхин төлә

Сегодня, 12:21 | Общество, Таңһчин зәңгс, Зіњг, Сойл

Хальмг Таңһчин хотл балһснд зуульчллһна - зәңгллһнә төв секгдсн йовдл учрв. Хавр ирәд, таңһчд әмтн олар ирҗәдг цагт эннь йир кергтә болв. Нааран ирсн зуульчнр таңһчин ончта ормсар яһҗ таньлдҗ болхин тускар медҗ авна. Ямаран соньн бәәрн бәәхинь, терүнд яһҗ күрч болхинь тенд зәңглгднә.

Зуульчллһна халхар таңһчд юн болҗахин тускар энд тер дарунь медҗ болхмн. Сара хонгтан болҗадг бамб цецгин наадмин йовудт альд, юн болҗахинь эн төвин көдләчнр зәңглнә.
«Зуульчллһн болн гиичлүллһнә авъяс» гидг келн- улсин төсвин йовудт эн төв тосхгдсмн. Хальмг Таңһчин залврин дөңгәр, тер дотр «Негдсн Әрәсә» партин Улсин көтлврт орснас иштә зуульчллһ делгрүллһнд туслад, эн тосхлт күцәгдсмн.
Өдгә цага амрлһнд туста бәәрн эн төвд бүрдәгдв. Зурган цокулхд эвтә таал бас бәәнә. Балһсна тал дунд эн гер тосхгдснь зуульчнрт бас таасгдҗана. Герин дотркнь ке-сәәхн тоотар, урн һарин кегдлмүдәр кеерүлгдв. Энд сойлын болн нань чигн керг-үүлдврмүд, харһлтс, хургуд кеҗ болхин төлә цуг тоот бәәнә.
Зуульчллһна халхар Хальмг Таңһч хамгин сән регионмудын тоод орв. Хальмг Таңһчин залврин Ахлачин негдгч дарук Цернә Эрднин темдглсәр, зуульчллһн делгрҗәхнь таңһчин экономикд туслҗана. Хальмгт әмтн олар ирдг болсна ашт таңһчин хазнд орҗадг мөңгн хойр холванд икдв. Эн халхар олн арһлачнр үүлдҗәнә. Зуульчнриг тосч авад, таңһчар йовулдг бүрдәцсәс нань, тедниг хонулдг, хот-хоолар, көлгәр теткдг халхар олн күн көдлҗәнә.
ҖИРҺЛИН Кермн

Видео