Соньн төсв күцәгдҗәнә

Сегодня, 12:09 | Общество, Таңһчин зәңгс, Зіњг

Нижний Новгород балһснд дегтрин саңгудын соньн нег төсв экләд үүлдв. «Иньгллтин утх-зокъялын тагт» гиҗ тер төсв нерәдгднә. В. Жуковскийин нертә бичкдүдин дегтрин саң эн седвәр татсмн. Әрәсән улсин ниицлтин җилд эн соньн төсв нерәдгдҗәнә.

Эн төсвин һол күслнь – Әрәсән регион болһна сойлын байн зөөрлә баһ наста умшачнриг таньлдулсн деерән келн-улс болһна утх-зокъялыг орн-нутгин сойлын аһуд оруллһн болҗана. 2026 җилин туршарт ниигмин сүлҗәнд орн-нутгин олн келн-улсин келәр бичкдүдт нерәдсн үүдәврмүд умшгдҗадг видеозурцс дегтрин саңгудт үзүлгдәд бәәхмн. Әрәсән һазр болһнас әмтн орлцтха гиҗ эн төсвин бүрдәһәчнр үрвр кеҗәнә.
А.М. Амр-Санана нертә Келн-улсин дегтрин саңгин көдләчнр эн төсв күцәлһнд бас орлцҗана. Хальмг Таңһчин сойлын ачта көдләч, шүлгч болн багш Канкан Эрднь «Баатр Шарада» гидг хальмг келн-улсин туулиг умшҗана. Хальмгин дегтрин саңгин эн видеозурц орн-нутгин цуг умшачнрин оньгт тусхагдв.

ҖИРҺЛИН Кермн

Видео