Ниитә ик орн-нутгин байр

Сегодня, 14:14 | Общество, Таңһчин зәңгс, Зіњг

Мөчн сарин 12-т Хальмг Таңһчин әмтн цуг орн-нутгла хамдан Әрәсән Өдриг темдглв. Элст балһснд болн таңһчин цуг райодар байрин керг-үүлдврмүд өргмҗтәһәр давв.
Элстд Диилврин талвңгд болсн байрин керг-үүлдврмүд әмтнд ик сергмҗ үүдәв. Дууна болн көгҗмин айс балһсна зах болһнд күңкнҗ, олн улсиг байрин үүлдврт орлцулв. Насни дигт күрсн иткл цаасиг байрин эн өдр һартан авсн баһчудт Әрәсән Өдр нег үлү тодлгдх гиҗ сангдна.
«Алдр нутг – Әрәсә» гисн керг-үүлдврт Хальмгт бәәдг келн-улсин төвмүдин элчнр, баһчуд, балһсна гиичнр чигн орлцв. Әрәсән ик тугиг Диилврин волонтермуд өргҗ әмтнә омг икдүлв. Хальмгин нертә артистнр, таңһчин үүдәгч коллективс цуглрсн улст билг-эрдмән үзүлв.
Элст балһсна «Восточный» стадионд байрин керг-үүлдвр бас өргмҗтәһәр давв. Байрин керг-үүлдврлә зергднь энд билг-эрдмин болн спортын марһас болҗ, цуглрсн улсиг байрлулв. Хальмг Таңһчин Толһач Хаска Бату таңһчин әмтиг Әрәсән һоллгч байрла йөрәв. Орн-нутгт бәәдг цуг келн-улс Әрәсән делгрлтд ач-тусан күргҗәхин тускар таңһчин Толһач келв.
«Дәәч болна гисн мөңкинд әмд бәәлһн» гисн үгмүдиг тодлулад, Бату Сергеевич хальмг улсин заң-авциг, тууҗиг болн авъясмудыг эннь медүлҗәнә гиҗ темдглв. Әрәсән Баатр Очр-Һәрән Нарна санлыг тевчҗ таңһчин Толһач тиигҗ келв.
Әрәсән баһ наста иргнмүдин то өсчәхиг эн байр сән кевәр герчлв. Насна дигт күрсн арвн дөрвн күүкн-көвүнд Хаска Бату иткл цаасинь бәрүлҗ өгв. «Делгрлтин күчн» җисәнә һардач Михаил Богатов болн шишлң цергә керг-үүлдврин ветеран, СВО-н ветеранмудын бүрдәцин региона әңгин һардач Чумуда Николай байрин керг-үүлдврт орлцв.

ҖИРҺЛИН Кермн

Видео