Селәдт ирх сойлын земск көдләчнр

Сегодня, 12:31 | Общество, Таңһчин зәңгс, Зіњг

«Сойлын земск көдләч» гидг көтлвр Хальмгт күцәгдҗәнә. Эн халхар кегдҗәдг көдлмшин тускар шидр күүндвр болв. Таңһчд сойлын 27 мергҗлт райодар көдлхәр йовҗана.
Хальмг Таңһчин сойлын болн зуульчллһна министр Бембин Евгений селән һазрт көдлх мергҗлтнриг белдлһнә көдлмшин ашин, шаңһа эн төсв яһҗ күцәгдҗәхин тускар келв. «Сойлын земск көдләч» гидг көтлвр Әрәсән Президентин седвәрәр 2025 җилин эклцәс авн күцәгдҗәнә.
Селәдин сойлын бүрдәцст мергҗлтнр көдлхд Президентин эн седвәр сән кевәр туслҗана. Эн көтлврлә ирлцәд, баахн балһсдт болн селән һазрт көдлхәр ирсн мергҗлтнр нег сай арслң дем авна, тиигчкәд сойлын бүрдәцст тавн җилдән көдлх болҗ бооца батлна.
Эрлһ орулсн сойлын көдләчнриг йилһҗ авсна ашт эн җил Хальмгин райодт хөрн долан күн көдлх болҗ һарв. Тедн дунд дамшлтта мергҗлтнр чигн, шинкн сурһулян төгсәсн баһчуд чигн бәәнә.
Городовиковск, Ик Буурла, Лаганя, Баһ Дөрвдә, Октябрьск, Приютна, Целинн, Хар Һазра, Үстин болн Яшкулин райодт көдләчнр ирхмн. Бәәрн сойлын Гермүдт, дегтрин саңгудт, музеймүдт болн нань чигн бүрдәцст эдн көдлх зөвтә.

ҖИРҺЛИН Кермн

Видео