«Өлчей» наадм хамцулв

Сегодня, 14:37 | Общество, Таңһчин зәңгс, Зіњг, Сойл

Тыван Кызыл балһснд шар шаҗна нарт-делкән IV ик хургин йовудт ахнр-дүүнр болҗадг Хальмг Таңһчин, Тыван болн Бурятин сойлын үүлдәчнр «Өлчей» көгҗмин наадмд орлцад, билг-эрдмән үзүлв.
Темдглхәс, нидн Хальмгт болсн шар шаҗна ик хургин йовудт «Миңһн байр» нертә ирлцңгү көгҗмин наадм бүрдәгдсн билә. Мел мана үлгүрәр, Тывад бас иим наадм давулхар шиидв.
Росконцертин дөң-нөкдәр бүрдәгдсн эн керг-үүлдврин чинринь темдглхмн. Келхәс, наадмин йовудт Манҗин Аркадин «Ноһан Дәрк» көгҗмин үүдәвр олнд соңсхгдв.
«Бамб цецг» ансамблин һардач Катан Саврин келсәр, эн наадмиг иргчдән Москвад бүрдәх кергтә болна. Удл уга ирлцңгү төрәр мана орн-нутгин хотл балһснд харһад чигн бәәхвидн, гисн седклән эн медүлв.

БАДМИН Занда

Видео