Шар шаҗна нарт-делкән IV хургт орлцв

Сегодня, 14:41 | Общество, Таңһчин зәңгс, Хальмг Тањєчин Толєачин ґдр-бўр, Зіњг

Эн долан хонгт Тыва Республикин Кызыл хотл балһснд шар шаҗна үүлдәчнрин нарт-делкән IV ик хургин гиичнр цуглрв. Бурхн Багшин номд шүтдг делкән элчнр нааран ирсн болдг.
Ноха сарин 17-д ик хург көдлмшән эклв. Шар шаҗна делкән үүлдәчнр, номтнр, һардачнр бүрдәгдсн олн зүсн харһлтст, «төгрг ширән» сүүрмүдт орлцад нөкцлт болн иньгллт батруллһна төрмүдәр күүндвр болв.
Хальмгин Толһач Хаска Батун һардврт мана таңһчин делегац терүнд бас орлцснь темдгтә гиҗ келх кергтә. Хургин түрүн өдрмүдтнь ахнр-дүүнр болҗадг Хальмг Таңһчин, Тыван болн Бурятин Толһачнр (зургт) харһад, шар шаҗна сурһалин, номин, сойлын, зуульчллһна болн талдан халхар нөкцлтән цааранднь делгрүлхәр күүндв.
– Хальмг Таңһчин, Тыван болн Бурятин тууҗ, сойл, авг-бәрц хоорндан залһлдата болна. Эндр Әрәсәд шар шаҗн орн-нутгин Президентин нилчәр делгрәд йовна. Эннь мана орн-нутгт олн келн-улс хоорндан ниитәһәр бәәхиг дәкнәс герчлҗәнә.
Бурхн Багшин сурһаль гүн учр-утхта гиҗ темдглх кергтә. Эн медрлән улм гүүдүлхин төлә ик хургт олн нутгудын элчнр ирҗ орлцв. Нидн ирлцңгү керг-үүлдвр мана таңһчд болснь мадна төлә ода күртл бахмҗ үүдәнә. Терүнә ашт шар шаҗна делкән клуб бүрдснь байрта йовдл болснь лавта.
Немхәс, Хаска Бату һаха сард Элстд болх Иисус Бурхн бууҗ ирснә 80 җилин өөнд нерәдсн керг-үүлдврмүдин тускар бас келәд, мана таңһчд ирҗ ончта йовдлмудт орлцхин туст үрвр кев.
Тер мет Хаска Бату Енисей һолын көвәд Хавырга уулын өөр Әрәсәд босхгдсн хамгин өндр Бурхн Багшин көшәг һурв дәкҗ зөв эргәд, мөргәд, зальврад һарв.
Урҗ өдр Бату Сергеевич нертә режиссер Никита Михалков тәвсн «12» гидг наад хәләв. Арвн хойр эгл күн хөөт эцкән алсн 18-тә көвүнә хөвин тускар күүнднә. Зуг эн көвүнә гемнь илдкгдәд уга болҗ медгднә. Энүнә тускар удан күүндвр болна. Бийнь Никита Сергеевич наадна тускар иигҗ келнә: «Өдгә цагт Европд амр биш бәәдл тогтҗахинь бидн үзҗәнәвидн. Урднь делкән олн-әмтн тиигәрән темцдг билә. Ода болхла оңдан бәәдл учрв. Үнн йовдлмудын тускар күн болһн медх, соңсх зөвтә. Олн шаҗнд шүтдг улс кезәнәс авн Әрәсәд ниитә өрк-бүл мет бәәнә».
– Никита Михалковд, нааднд орлцсн артистнрт, Тыван Толһач Владислав Ховалыгд болн Кужугет Шойгун нертә Саңд соньн, гүн чинртә наад үзүлснд ханлтан медүлҗәнәв, – гиҗ Хаска Бату товчлв.

ОЛЬДАН Цаһан

Видео