Таңһчин Толһачиг ачлв

Сегодня, 11:54 | Общество, Таңһчин зәңгс, Хальмг Тањєчин Толєачин ґдр-бўр, Зіњг

Әәдрхн балһснд Әрәсән һазадын орна кергүдин Министерствин элчллт секгдәд, шидр дигтә 25 җил болв. Сүл хөрн тавн җилмүдин эргцд энүнә мергҗлтнр Әрәсән Федерацин болн Көк теңгсин көвән регионмудын хоорндк, тер мет талдан нутгудла иньгллт болн нөкцлт батруллһна кергт туслҗ йовна.
Олн җилмүдин туршарт элчллтиг ик дамшлтта дипломатнр һардҗ йовла. Тедн дунд Евгений Казьмин, Евгений Торбин, Олег Коломин, Александр Астанин, Алексей Буданов мөн. Тодлхас, эдн дунд нег һазра Җевака Мергн көдләд, бас ач-тусан күргсинь заахмн. Байрин керг-үүлдврт Хальмг Таңһчин Толһач Хаска Бату орлцснь бас темдгтә болв.
– Нидн Элстд шар шаҗна нарт-делкән ик хург бүрдәлһнд Әәдрхнд бәәдг МИД-ин элчллт нилчән күргсинь онц темдглх кергтә. Әрәсән һазадын орна кергүдин министр Сергей Лавровд, элчллтин һардач Олег Коломинд болн цуг көдләчнрт регионмудт даңгин дөң-нөкдән күргҗәдг төләднь ханлтан өргҗәнәв, – гиҗ Хальмгин Толһач Хаска Бату темдглв.
Әәдрхнд бәәдг Әрәсән МИД-ин элчллтин һардач Олег Коломинд Бату Сергеевич Хальмг Таңһчин Күндллһнә һашг бәрүлҗ өгв. Терүнәс нань эн элчллтин сегләтр Хальмгин Толһачин Ханлтын бичгәр ачлгдсн болдг.
Онц темдглхд, керг-үүлдврин йовудт Хаска Бату «Келн-әмтни хоорндк нөкцлтд ач-тусан күргсн төлә» гидг Әрәсән һазадын орна кергүдин Министерствин шишлң темдгәр ачлгдснь бахмҗта болв.

Видео