Олн улсин ниицлтин җил

Сегодня, 12:17 | Общество, Таңһчин зәңгс, Зіњг

Эн җил мана орн-нутгт олн улсин ниицлтин җил зарлгдсмн. Ик кезәнәс авн Әрәсәд олн келн-улсин элчнр хоорндан ахнр-дүүһинәр ниитәһәр бәәнә. Тодлхд, 2025 җилин чилгчәр келн-улсин хоорндк хәрлцәнә Хүүвин селвлцәнә йовудт татсн седвәриг Әрәсән Президент Владимир Путин дөңнәд, ирлцңгү зәрлг батлсн болдг. Келн-улс болһн эврә байн тууҗта, соньн авг-бәрцтә, өвәрц сойлан олн дунд тархаҗ йовна. Эврәннь төрскн келәр дууһан дуулад, келн-улсин бииһән бииләд, олна оньг авлна.
Әрәсәд бәәдг олн келн-улс юунас эклцән авна? Урднь орсин багмуд нег-негнәсн салу бәәдг билә. Хөөннь нег һазр, нег шаҗн, нег йосн эдниг хамцулв. Тер мет хөөннь талдан олн келн-улс немгдәд, Әрәсән ханьд орад, эндр бидн делкәд хамгин ик, ниитә орн-нутг болҗанавидн. Кезәнәс авн эндр күртл мана орн-нутгт олн келн-улсин элчнр ахнр-дүүнр мет, байр-зовлңган әдл хувалцад, ниитәһәр бәәнә. Өдгә цагт болхла цергә шишлң керг-үүлдврт орлцҗадг Әрәсән келн-улсин элчнр бас нег-негән дөңнҗ, эврә Төрскән харсчана.
«Кермәш» нертә халхд хальмг болн мана орн-нутгт бәәдг улсин амн үгин үүдәврмүд бичкдүдин оньгт тусхаҗанавидн.

Видео