Бооцан батлгдв

Сегодня, 13:16 | Общество, Таңһчин зәңгс, Зіњг

Шидр Хальмг Таңһчин Баһ Дөрвдә района толһач Җекин Баатр болн Бурятин Иволгинск района толһач Николай Емонаков нөкцлтин бооца батлв. Эннь муниципальн хоорндк халхар дәкәд нег чинртә йовдл болснь темдглх кергтә.
Социальн-экономикин халхар муниципальн хоорндк залһлдаг делгрүлхәр болн дамшлтарн хувалцхар хойр района толһачнр үгцәд, ирлцңгү бооца батлсн болдг.
Бурять Республикин Иволгинск района толһач Николай Емонаковин келсәр, ахнр-дүүнр болҗадг үүрмүдән тосснд байрта бәәнәвидн. – Нидн хальмг һазрт шар шаҗна нарт-делкән ик хург сән йовудтаһар давулгдсинь меднәвидн. Нег шаҗн, өөрхн сойл мадниг негдүлҗәнә. Батлгдсн бооцана йовудт хамцу төсвсән күцәхвидн. Цааранднь болхла сурһуль-эрдмин, спортын болн сойлын халхар нөкцлтән өргҗүлхәр седвәр бәәнә, – гиҗ Николай Владимирович темдглв.
– Бурятин һазрт мадниг бүләнәр тосснд ханлтта бәәнәвидн. Батлгдсн бооцан күцәмҗтәһәр күцәгдәд, мана иньгллт болн нөкцлт улм батрхмн. Иволгинск районд көдлҗәдг үүрмүдтән Баһ Дөрвдә районд гиичд ирхинь үрвр кеҗ күләҗәнәвидн, – гиҗ Җекин Баатр товчлв.
ОЛЬДАН Цаһан

Видео