Махна малын то өсх зөвтә

Сегодня, 13:09 | Общество, Таңһчин зәңгс, Зіњг, Сурєуль-эрдм

Одахн Хальмг ик сурһульд Әрәсән ик сурһулин болн номин Министерствин номтнрин делегац ирв. Давсн җилд министерствин демәр селекцин болн тохма мал өсклһнә төв таңһчин ик сурһулин медлд экләд көдлсмн, тер төсв ода яһҗ күцәгдҗәхинь НТП-н шинҗлхәр шаңһа бүрдәцин һардачин дарук Татьяна Модянова болн әңгин толһач Юлия Андронова Элстд ирсмн.

Ик сурһулин төвин һардачнрла хамдан күндтә гиичнр Улан Эрг селәнд бәәдг мал өсклһнә эдл-ахуд одад, лабораторьмудыг, хулдҗ авсн кергсл яһҗ олзлгдҗахинь хәләһәд, номтнрин үүлдвриг үнлв. Эн ик чинртә төсвин ашин болн шин төвиг цааранднь делгрүллһнә тускар Хальмг ик сурһулин һардач Салан Бадм тодрхаһар келҗ өгв.
Шин төв махна малын то, махна зүүтә эдл-ууш икдүллһнә көдлмш хамгин күцәх зөвтә. Хальмг тохма мал хадһллһнд бас һол оньг өггдҗәнә. Генетикин болн нань чигн халхар кесн шинҗллтиг гүүдүлҗ, селекциг ясрулх зөвтә. Тер көдлмш күцәмҗтә болҗана гиҗ харһлтын йовудт келгдв.
Генетикин халхар шинҗллт кехин төлә төвин көдләчнр мергҗлтән өөдлүлв.
– Тиим нөкцлт Хальмг ик сурһулин төлә ик олзта-туста болҗана. Махна мал өсклһнә халхар мана номтнр ик дамшлт хоршасн бәәнә, теднә дөңгәр селекцин көдлмш дигтә-даратаһар бүрдәгдҗәнә, эн халхар талдан шин төсвс күцәгдх гиҗ ицҗәнәвидн, – гиҗ Салан Бадм ашлҗ келв.

ТҮРВӘН Һуна

Видео