Нег һазра дәәчнрән дөңнәд

Сегодня, 13:00 | Общество, Таңһчин зәңгс, Зіњг

Одахн цергә шишлң керг-үүлдвр давҗадг һазрас Харьковск зөрүллтд кергән күцәҗ йовдг «Бархан» дуудврта Хальмгин дәәч видеозурц илгәв. Тенд керглгдҗәдг тоотын тускар келәд, нег һазра улсас нөкд болхиг сурв. Шишлң көлгн, радиостанц, генератор, модн, хадасн болн талдан олн тоот керглгдҗәхинь медгдв.
Баһ Дөрвдә района Унһн Төөрәч селәнә муниципальн бүрдәцин толһач Светлана Отыкова нег һазра улстан дуудвр кеһәд, деер келгдсн тоотыг долан хонгин туршарт дарунь цуглулв. Селәнәхн хот-хол, дулан хувц, эм болн талдан тоот авч ирв. Ут тоодан нег һазра улс 400 миңһн һар арслң цуглулад, шишлң техник хулдҗ авсмн.
Мел тер саамд «Бархан» дуудврта дәәч гертән цаг зуурин амрлһнд ирв. Удл уга буйнч аца ачад, эн хәрү Төрскән харсхар һарч йовхмн.
БАДМИН Занда

Видео