Баһчуд санлынь күндлв

Вчера, 11:35 | Общество, Таңһчин зәңгс, Зіњг, Сойл, Санл

Мана таңһчд нертә үүлдәч Очра Номтын 140 җилин өөнд нерәдсн керг-үүлдврмүд давҗана. Басң өдрлә Элстд «Негдсн Әрәсә» партин «Молодая гвардия» әңгин нүүрләчнр балһсна төвд бәәдг Хальмг ик сурһуляс экләд, Очра Номтын бумб тал ирҗ, санлынь тевчв. Дарунь эдн энүнә нер зүүҗәдг Элстин 8-ч тойгта дунд сурһулин музейд одв.
Тер өдр Очра Номтын бумбин өөр олн-әмтн цуглрв. Тедн дунд Хальмгин сойлын болн зуульчллһна министр Бембин Евгений, сурһуль-эрдмин болн номин министр Александр Ким, Элстин һардврин ахлачин дарук Довгопола Дмитрий, Хальмг ик сурһулин номтнр, оютнр болн сурһульчнр тер харһлтд орлцҗ, таңһчин тууҗин, сойлын, номин, гегән-герлин халхар Очра Номтын күргсн ач-тусинь темдглв. Нертә үүлдәчин байн зөөриг өдгә цагин номтнр эндр күртл шинҗлҗ шалһҗана.
Эн өдрмүдт санлын керг-үүлдврмүд таңһчин райодар цаарандан давулгдхмн. Сурһуль-эрдмин болн сойлын бүрдәцст Очра Номтд нерәдсн һәәхүлмүд, харһлтс бүрдәгдҗәнә.
ОЛЬДАН Цаһан

Видео