Билг-эрдмин марһанд ончрв

Баһ Дөрвдә района «Бамб цецг» баһчудын төвин мергҗлт Ашкатан Маргарита (зургт) «Авъяс негдүлнә» нертә билг-эрдмин Цугәрәсән марһанд диилвр бәрв. Марһана даалһврар орлцачнр өөрдҗәдг Шин җилин байрин өмн өргнд һацур кеерүлдг наадһас кеҗ һарһх зөвтә бәәсмн.
Әрәсән келн-улсин Ассамблей болн В.Д.Поленовин нертә орн-нутгин үүдәлтин шаңһа Гер эн марһаг бүрдәв. Соньн марһан мана орн-нутгт зарлгдсн улсин ниицлтин җиллә ирлцүлҗ давулсн болдг.
Марһанд орлцач болһн ямр чигн тоот олзлад, һацурт өлгдг наадһа кеҗ һарһх даалһвр авв. Тер мет наадн регион болһна сойлын өвәрциг медүлх зөвтә болв.
Ашкатан Маргаритан кесн наадһа жюрин оньг авлв. Ода болхла эн наадһа Әрәсән улсин Ассамблейин шишлң тоод орхмн. Нег һазра күүкнә бәрсн диилвр мана таңһчин сойлын авъяс-заңшалыг тархаҗ, орн-нутгин чинртә марһанд үзүлснь олн-әмтнә төлә байр-бахмҗ үүдәв. Темдглхәс, удл уга Маргаритан кеҗ һарһсн наадһа Москван нег һацуриг кеерүлхмн гиҗ зәңглгдв.
ОЛЬДАН Цаһан
















Республиканская газета, издающаяся на калмыцком и русском языках. Газета освещает общественно-политические события, происходящие в Калмыкии, а также публикует материалы по культуре и языку калмыков.