Марһанд ончрв

Сегодня, 15:18 | Общество, Таңһчин зәңгс, Зіњг

Нүднә харань муурсн улсин Әрәсән олна ниицәнә (ВОС) Хальмг Таңһчд үүлддг әңгин гешүд Баатр Боков болн Учура Римма эрмдгтә улс дунд усчлһна марһанд орлцв. Московск мүҗин Быково селәнд «Сосны» санаторьт болсн марһанд орн-нутгин 13 регионас ут тоодан 70 һар күн орлцв.

Эн марһан түрүн болҗ нүднә харань муурсн улс дунд давулгдв. Тегәд Хальмгин элчнр дииләчнрин тоод орснь бахмҗта йовдл мөн. Баатр Боков 1-ч орм эзлв. Учура Римма болхла 3-ч ормд һарв. Эдн марһанд урдаснь белдвр кеһәд, бичкдүдин үүдәлтин бәәшңгин бассейнд дамшач Оника Чингизин һардврт эв-дован гүүдүлсн билә.
«Опора России» Әрәсән ниицәнә таңһчд үүлддг әңгин һардачин дарук Алакшана Юлия нүднә харань муурсн улс дунд болсн марһанд орлцхд дем күргснд ВОС-ин региона әңг ханлтан өргҗәнә.
БАТАН Сәәхлә