Хальмг госуниверситетин оютнрин тоод Крымин сурєульчнр орв

Одахн Ірісін ханьд орсн Крымин сурєульчнрт вузд орх цуг таал тогтав. Сурєуль –эрдмин болн номин федеральн министерствин сўв- селвгір 16 кўн Хальмг государственн университетин бюджетин іњгд орв. Эдн аграрн факультетд, экономикин іімшг уга біілєні, зіњгллєні технологийсин болн кесг нань чигн іњгўдт сурх.

Августын 27 - д Крымас ирсн оютнрла болн эдні эк - эцкнрлі КГУ - н ректор Бадм Салаев, проректормуд, факультетмўдин деканмуд кўўндљ КГУ - д сурєулин, номин шинљллт келєні, тустаєар амрлєна, немр эрдм даслєна тґлі цуг сін таал тогтагдсн бііні гиљ ціілєвр ґгв. Ик кемљіті стипендь авлєна, єазадын орнд, тер тоод Германьд, Китдт, Моњєлд, США-д дамшлт авх арє бііні гиљ заав.

-Мана Хальмг университет дарук љилд 45 љилин ґґнін темдглх, арвн факультет эндр ґдр ўўлдљіні. Кемр сіінір эс гиљ йилєін сіінір сурљ чадхла оютнр ґґдін стипендь чигн авхмн. Багшнр таднд цуг оньган ґгх, зуг медрл авх ик санан бііх зґвті,- гиљ КГУ-н ректор Бадм Салаев кўўндврин йовудт келв.

Ода КГУ-д 26 орн-нутгин элчнр сурна, удл уга негдгч курст орсн оютнр ирљ сурєулян эклх. СНГ-н орн-нутгас чигн, тер тоод Казахстанас, Киргизяс, Таджикистанас, Узбекистанас баєчуд медрл авна. Хальмг университет РФ-н сін гисн 100 вузин тоод орна, давсн љил аттестацд орад, олз - орута вузин нер зўўв.

Ирсн оютнр чигн тоолвран келљ Элстд сурхдан байрта біінівидн гиљ тоолвран келв. Ўлгўрнь, Денис Лыков КГУ- н туск кесг тоотыг Интернетіс медљ авв, университетин тускар дегтрмўд умшв, тегід нааран сурєульд орх шиидвр батлљ. Ода эн информационн технологийсин іњгин негдгч курст сурх. Элстўр ирсн эк-эцкнрнь чигн сурєулин болн біідл-љирєлин таалынь ўзљ, кґвўні санаєинь дґњнв.

-Мини ккўўкн Виктория экономикин іімшг уга біілєні іњгд орад сурх. Школан цаєан мґњгні медальтаєар тґгсілі. Талдан єазрт яєљ сурхмб гиљ тўрўлід ііљілівидн. Болв ода КГУ-н общежитиг, сурєулин корпусмудыг ўзід байрлљанавидн. Кўўкм сін таалд сурх.
Элст мана бііх Евпатория балєснас нег мињє єар километр ууљмд бііні, тиим болв чигн бидн тавн ґдртін паром кўлієід адрута ут хаалє дављ єарад нааран ирсндін байрта біінівидн. Цугнь маднд таасгдв.

Бидн Украині болн Ірісін регионмудын кесг вуз йовљ ўзлівидн, болв хамгин икір маднд тана Хальмг университет таасгдв, тегід энд сурх шиидвр батллавидн. Университетин багшнр йир сііхн седклті імтн, мадниг вокзалд тосљ авад общежитьд кўрглі. Крымин кґвўд -кўўкд цугтан нег общежитьд бііні, тернь бас йир сін. Бидн ик байрта біінівидн ода, – гиљ Крымас ирсн Наталья Шинкарук келв.

- Сайтд болн Интернетд би КГУ-н тускар дала юм умшлав, нанд таасгдв, тегід энд сурх шиидвр батллав. Дікід мана Евпаторий балєсн тал вузин урдк белдврин факультетин декан Любовь Александровна Староверкина ирід КГУ-н тускар кесг соньн тоот келљ ґглі.

Крымд бас вузмуд бііні, болв тенд бюджетин ормд орљ болшго, конкурс йир ик, энд болхла Ірісін сурєуль - эрдмин министерств маднд бюджетин онц орм эвріннь квотар йилєљ ґглі, тегід экономикин іімшг уга біідлин іњгд орлав. КГУ- д стипендь чигн йир сін, тернь нанд хамгин икір таасгдв, - гиљ негдгч курсин оютн болсн Арсений Носков келљ ґгв.

Тиим кевір Крымин оютнр хальмг єазрт ирід тањєчин єоллгч вузд сурєулян сурхар белн бііні, тедні сурєульнь сін кўцімљті, љирєлнь хґвті – кишгті болтха!