Сурєуль-эрдм или Баахн єардач

«Эрдмті кўўнд ўрлт уга» гидг хальмг ўлгўр бііні. Тернь чигн ўнн болдгнь лавта. Яєад гихлі эрдм дасљ авсн кўн насн-љирєлиннь туршарт эрдмірн кґдлљ, ґрк-бўлін тељіх арєта болна, олнд тусан кўргні. Імтн єартан ґґті, билгті эрдмчиг кезід чигн кўндлні. Мана тањєчд эклц болн дунд профессиональн сурєуль-эрдмин кесг учрежденьс мергљлтті кґдлмшч кадрмуд сурєљ белдні. Эндр ґдр баєчуд иим сурєулин заведеньст сурч, кґдлмшч эрдмір, тер тоод тосхачин, маши залачин, уячин, нань чигн олн зўсн эрдмір медрл авчана.

Октябрьск района Ик Царњ цутхлњ селінд олн љилдін эклц профессиональн сурєуль-эрдмин 10-ч тойгта ПУ ўўлдљіні. Энўг Артур Джанджиев чадмгар єардљана. Ґдгі цагт эн профессиональн училищ Элстд ўўлддг «КГТ-ЭК» РК-н БПОУ-н филиалд хўврўлгдв. Эн љил сурєулян тґгсісн баєчуд дунд профессиональн сурєуль-эрдмин иткл цаас авсмн.

Одахн Ик Царњд ўўлдљіх КГТ-ЭК-ин филиалын єардач Артур Джанджиевлі харєх саам учрв. Артур Петрович профессиональн училищин ўўлдврин тускар маднд келљ ґгв.

Училищин коллективд хґрн кўн кґдлљіні. Эдн дунд эврі кергін сіінір меддг, ик дамшлтта специалистнр бає биш. 2013-2014 сурєулин љилд педагогическ коллектив селіні эдл-ахун тґлі ґґдін мергљлтті специалистнриг белддг инновационн сурєулин учреждень тогтах кўсл тівљ шунсмн. Эдн кўслдін кўрхин тґлід кељ-кўціљіх профессиональн сурєуль-эрдмин ўўлдвртін ґдгі цагин некврлі ирлцљіх нўўрлгч педагогическ, производственн болн зіњгллєні технологийс олзлљана.

Ґдгі цагт училищд баєчуд зурєан эрдмір сурєуль сурчана. Нидн сурєулин љилд 65 кўн сурєуль сурв. 9-ч класс тґгсісн кўўкд хулдачин, кондитерин, парикмахерин эрдм дасна. 11-класс тґгсісн баєчуд «Селіні эдл-ахун производствин тракторист-машинист», «Автомеханик», «Хулдач, контролер-кассир», «Уяч» гидг эрдмір арвн сардан сурна. Дікід болхла училищ імтиг кґдлмшір тетклєні цергллтлі нґкцљ ўўлдід, профессиональн кадрмуд белдлєні программс біідл-љирєлд тохрана. Кґдлмш уга улс нааран ирљ, «В, С» категориймўдин љолачин, хот-хоолын хулдачин, замчин, кондитерин, трактористин, ЭВМ операторин эрдм дасна. Иим эрдмір мергљлт авсн улст хґґтндін кґдлмш олхднь амр болна.

Оютнр кичілмўдін дуталго орлєна, сурєулян сіінір сурлєна, ґґдін медрл авлєна керг-тґрт педагогическ коллектив ик оньган тусхана. Багшнр сурєулин љилин эргцд баєчудын медрлин ўзмљин медхір эдниг шалєљ бўртклє кені. Бўртклєні йовудт єарєсн ашинь диглљ, шинљлљ, сурєульчнрин медрлинь ґргљўлхин тґлід онц керг-ўўл темдглні. Оютнрин медрлинь гўўдўлхин тґлі факультативс бўрдіні, кичілмўдин хґґн немр занятьс давулна. Багмудын єардачнр шўўврін эс ґгч чадсн баєчудт онц оньган ґгч, эдні эк-эцкнрт кўўкднь яєљ сурєуль сурдгин тускар цаглань зіњглні.

Багшнр оютнриг соньмсулхин тґлід кґдлмштін олн зўсн эв-арєс олзлљ кґдлні. Баєчуд сурєулин материал сіінір тодлхин тґлід цуг кергті таал тогтана. 2013-2014 сурєулин љилд дасхљах цуг эрдмір сурєулин зурас болн программс шинрўлсмн. Урзнас авн сурєульчнрт цуг эрдм шин федеральн государственн сурєулин стандартла ирлцітієір дасхљана. 2013 љиліс авн РФ-н сурєуль-эрдмин шин закан ўўлдврт орад, эклц профессионалн сурєуль-эрдмин программс ўўлддгін уурулгдв. НПО-н кґдлмшч эрдмин белдвр СПО-н девсњнь болв. Училищин багшнр болн сурєульчнр олна біідл-љирєлд шунмєаєар орлцна. Тер мет районд бўрдігддг олн зўсн керг-ўўлдврмўдт, марєаст шунљ орлцад, олна мањнад йовна.

Училищин педагогическ коллектив кўч-кґлсні рынкин некврмўд учртан авч, кґдлмшч кадрмуд белдні. Ґдгі цагт Октябрьск районд трактористин, автомеханикин, хулдачин, контролер-кассирин, замчин, кондитерин эрдмті улс хамгин икір керглгдљіні. Тегід чигн училищ района экономикин производственн халхиг кґдлмшч кадрмудар теткх кўсл тівљіні. Бає теткврті ґрк-бўлмўдин кўўкд гертісн холагшан йовлго, тґрскн селіндін эрдм дасх арє эднд ґгх тґр хаєлгдљана. Баєчуд ґґдін мергљлтті эрдмчнр болад, эврі райондан кґдлљ, тґрскн єазртан ўлдхднь нилчін кўргхмн. Училищ «50 лет Октября» ОАО-ла, «Калмыцкий» ОАО-ла, «Харада» ФГУП-ла, «Мирный» СПК-ла, «Восток» ГУП-ла, нань чигн предприятьмўдлі болн онц арєлачнрла нґкцљ ўўлдні. Тегід чигн сурєульчнр эн предприятьмўдт одљ, производственн дамшлт авна. Иргчдін эдниг нааран кґдлмшт чигн авна. Училищин багшнр арє-чидлін нґґлго, кезід чигн ўўдігч кевір кґдлљ, ґдгі цагин некврлі ирлцљіх ґґдін мергљлтті эрдмчнриг сурєхар зўткљіні.