Ик Буурлд шин школ секгдв

Ґцкўлдўр Ик Буурлд шуугатаєар болн сергмљтієір Медрлин ґдр давв. Дигті эн ґдр байрин біідлд хойр давхрта эклц школ секгдв. Ончта эн йовдлд зууєад сурєульчнр, тедні эк-эцкнр болн багшнр орлцв.

«Кўндті ўўрмўд, эндр мана байриг хувалцхар Хальмг Тањєчин Толєачин ўўлиг цаг зуур дааљах Алексей Маратович Орлов ирсн бііні», - гисн зіњгиг цугтан альхан ташлљ тосв.

Дарунь эн Ґдр хамгин кўндті орлцачнр негдгч классин сурєульчнр эвріннь єардачнр Виктория Ванькаевала, Клавдия Манджиевала болн Зинаида Хечиевала деегшін єарцхав. Ґкір-ґкір бичкдўд школын туск шўлгўд умшад, дуд дуулад цугтаєинь байрулв. 11-ч классин сурєульчнр тўрўн болљ школд ирсн бичкдўдт белгўдін бірўлљ ґгцхів.

Школын директор Екатерина Коржуева ўг келхлірн, школ эдлврт орулгдснд Алексей Орловд, КТК-н, «Росстройсервис», РМО-н администрацин єардврт ханлтан ґргв. Терўні келсір, школ тосхлєнд КТК-н єардвр 70 сай арслњ йилєсмн.

Ик-Буурла РМО-н администрацин толєач Сергей Базыров болхла ґдгі цагт района школмуд тґгсісн сурєульчнр тањєчд нерін дуудулљ кґдлљіні гиљ бахмљтаєар темдглід, эндрк сурєульчнрт кўцімљ дурдв.

Дарунь тањєчин Толєачин ўўлиг цаг зуур дааљах Алексей Орловд ўг ґгв. Энўні зіњглсір, сентябрин 1-д Хальмг Тањєчд хойр шин школ дегц секгдх болв, эндр эн шин школмудт сурх кўўкд-кґвўд сін медрлті болхнь маєд уга, яєад гихлі сурєулин заведеньд ґґдін мергљлтті, байн дамшлтта багшнр кґдлљіні гиєід, байрт орлцачнриг Медрлин ґдрлі ўнн седклісн халунар йґрів.

Школ цаглань эдлврт орснднь би нег ўлў байрлљанав,- гиљ РФ-н правительствлі залєлда бірлєір ўўлдљідг «КТК-Р» ЗАО-н генеральн директорин дарук Алексей Хардыкин ўгін эклв. Компань тањєч хойрин хоорндк нґкцлт љил ирвіс батрад йовна, бидн цааранднь чигн социальн-экономическ халхар Хальмг Тањєчд нґкд болад бііхвидн гиљ эн ўгін ґгв.

Эн љил «КТК-Р» тўрўн болљ тањєчин негдгч классин цуг сурєульчнриг ранцмудар болн школд олзлдг олн зўсн тоотар теткв. Тањєчд тиим белгўд 3380 сурєульч авв, гиљ «КТК-Р» ЗАО-н Хальмг Тањєчин правительствлі залєлда бірлєір элч Ўлмљ Чиджиев зіњглв. Энўні тґлі компань 6 сай 486 мињєн арслњ ийилєсмн. Ик Буурла районд тиим белгўд 121 сурєульч, тер дотр эн школын 62 негдгч классин кґвўн болн кўўкн авв.

Школыг ґґдін чинртієір болн ахр болзгт (зурєан сарин туршарт) «Росстройсервис» компань тосхв. Эн фирмин генеральн директорин дарук Сергей Белогай ўгін келхлірн, маднд Хальмгт кґдлхд икір таасгдв гиљ темдглв. Энд цаєан седклті улс бііні, тегід чигн бидн Ик Буурла районд цааранднь чигн кґдлхір біінівидн гив.

Байрт орлцсн тањєчин сурєуль-эрдмин болн номин министр Николай Манцаевин зіњглсір, Ірісід 50 шин школ секгдв, тер тоод хойрнь – мана тањєчд болв. 2014 љилд тањєчд 2170 cурєульч школан тґгсісмн, бас эн љил болхла 3380 cурєульч тўрўн болљ школд одв. Цуг эн то-дигмўд тањєчин делгрлтин тускар герчлљіні гиљ министр ашлв.

Школын байрт багшнрТатьяна Мергеновад, Саглр Мескеевад болн Вера Энкядяевад "РФ-н олна сурєуль- эрдмин кўндті кґдліч" гисн нерн зўўлєгдв гиљ зіњглгдв, Екатерина Базыровад болхла РФ-н сурєуль- эрдмин Министерствин Кўндллєні єашг бірўлљ ґгв.

Аш сўўлднь Алексей Орлов болн терўг дахсн дааврта улс шин школыг хілієід, сурєульчнрла кўўндв.