Кетчнрі района Сарпа селінд шин тосхгдсн школ секгдв

Сентябрин нег шинд Кґтчнрі района Сарпа селіні сурєульчнрин болн біірн імтні тґлі ик байрта-бахта йовдл учрв –энд селіні шин школ секгдв. Тосхгдсн біішњгин ўўдн ке-сііхнір кеерўлгдљ. «Ирхитн эрљінівидн!» гисн дуудвр цуг кўндті гиичнриг, багшнриг болн сурєульчнриг ик ніірт орлцтха гиљ ўрвр кељіні.

Бичкдўд єартан олн зўсн ґњгті дарцгудта, моєлцгудта гиичнриг тосљана. Кезіњк хальмг герин ґґр района болн селіні єардачнр тањєчин Толєачин ўўл дааљах Алексей Орловиг, тањєчин правительствин ахлачин дарук, селіні эдл-ахун министр Петр Ланцановиг, сурєуль-эрдмин министр Николай Манцаевиг тосад хальмг ціієір болн боорцгар тоов.

Дарунь байрин линейк шин школын ґґр эклв. Ґдгі цагин кев-янзта ик герин эрсиг олн зўсн тугмуд кеерўлв. Байрин кґгљм кўњкнв. Ірісін Федерацин болн Хальмг Тањєчин частрмудыг сурєульчнрин хор дуулв, эн йовдл селінд болљах ховр ніірин чинринь ґґдлўлв.

Дікід Сарпа селіні сурєульчнриг болн багшнриг, біірн цуг улсиг тањєчин Толєачин ўўл цаг зуур дааљах Алексей Орлов йґрів. - Сўл арвад љилин туршарт тўрўн болљ бидн тањєчин райодт сентябрин нег шинин байрла ирлцўлљ шин тосхгдсн ґдгі цагин сііхн таалта школ секљінівидн.

Тернь мана біідл-љирєл ясрљахинь медўлљіні. Сарпа селіні сурєульчнрт тернь ик гидг байр болљана, терўг таднд тосхачнр белглљіні. Ірісін болн тањєчин государственн программин кемљінд эн школ тосхгдв, ґґрхн иргчд тиим объектс талдан райодт чигн эдлврт орх. Тиигљ селін єазрт сурєуль-эрдмин чинр ґґдлљ, ґдгі цагин цуг таал тогтагдљана. Эн школ хойр љилдін тосхгдв, болв "Сарпа" ОАО-н єардврин дґњгір эн шин сііхн школын тосхлт тґгсв. Ода селіні баєчудын тґлі ґдгі цага сін стадион тосхх санан бііні,- гиљ Алексей Маратович келсиг цуєар байртаєар тосв.

Тер мет эн ончта йовдлла селіні імтиг Кґтчнрі РМО-н толєач Валерий Очиров, тањєчин Улсин хуралын (Парламентин) депутат М. Мутулов, селіні ахлач В. Куршаев, сурєуль-эрдмин министр Николай Манцаев, йосна нань чигн элчнр йґрів.Тосхлтд шунмєаєар орлцсн біірн кґдлічнр Ангуш Инчаев, Николай Манджиев, Юрий Шаханов болн нань чигн улс ўнті белгўдір ачлгдв.

Байрин керг-ўўлдврин йовудт эврі дурар ўўлддг селіні болн района артистнр билг-эрдмін ўзўлв. Аштнь «Винклер» предприятин генеральн директор М.Г. Сангаджиев школ эдлврт орсна байрла йґріљ школын директор Г. Д. Максимовад тўлкўринь бірўлљ ґгв. Галина Дорджиевна тосхачнрт ханлтан ґргљ теднд хґв-кишг болн эрўл-менд дурдв. Шин школдан мана сурєульчнр сіінір сурч селіні нер дуудулх гиљ темдглв.

Дікід нір- наадна єоллгч кем ирв. Тањєчин Толєачин ўўл цаг зуур дааљах Алексей Орлов, сурєуль - эрдмин болн номин министр Николай Манцаев ўўдні ґґр татсн татасиг керчв. Байрин біідлд гиичнр болн сурєульчнр шин школдан орв.

Дарунь кўндті гиичнр школын сарул сііхн классмудыг, кабинетмўдиг хіліљ ямаран таал Сарпан кўўкдтд тогтасиг ўнлв. Школыг яєљ тосхсна, Сарпа селіні імтн, сурєульчнр ода яєљ бііхин, ямаран керг-ўўлдвр кўціљіхин туск єііхўл цугтаєинь соньмсулв. Энд тосхлтын цуг йовудыг, школын љирєлин соньн тоотыг ўзўлв. Тер мет декоративн билг-эрдмин, сурєульчнрин кесн кегдлмўдин єііхўл олнд таасгдв.

Энўні хґґн Алексей Орлов болн йосна нань чигн элчнр кўндті гиичнрин дегтрт йґрілін бичв.

Эн объект тосхлєнд ончрсн тосхачнриг, производствин нўўрлічнриг нерідсн байрин тооврт Кґтчнрі РМО- н толєач Валерий Очиров бас нег йґріљ, белгін, ачлвран бірўлід, кўцімљ дурдв.

Байрин керг - ўўлдврин чилгчір Д. Шалханован єардврт ўўлдљіх Келн-улсин оркестрин артистнр билг - эрдмін ўзўлв.