Эрднихнд суврє босхљана

Ўстин района Эрднихн селінд Бадм цецгин суврє босхљана. Селіні ахлач Николай Кашаевин келсір, давсн љилин декабрь сард Хальмг Тањєчин шаљн лам Тэло Тулку ринпоче гелњгўдті хамдан Эрднихнд ирід, суврє босхх єазриг ірўсллі. Ґдгі цагт энд ик чинрті кґдлмш кўцігдљіні.

Суврєн бурхн-шаљна некврмўдлі ирлцітієір босхгдљана. Терўні улд єурвн мињєн цаца, дала бурхн-ном, хортнас харсдг зер-зев, кґдлмшт олзлдг тоот тівгдљіні. Ода біірн улс цацаг ширдљіні. Дікід эдн дала бурхн-номиг эвтієір ораљана. Эдн кеер єарад, дала ўмкі шарлљиг (полынь) чигн цуглулљ авчана. Энўг ўўлід, бас суврєна улд тівхмн.

Эрднихні улс суврєна ик чинринь медљ, эн ірўн кергт шунљ орлцљана. Болв хотл балєснд, талдан селідт біідг эн єазра улс олар ирід, дґњгін кўргхлі, бийстнь чигн туста болхнь лавта. Хальмг улст бадм цецг ірўн цецг болљ тоолгдна. Бадм цецгин суврєн Шакьямуни Бурхн Багш тґрсиг медўлні. Эн суврєн олнд хґвті-кишгті, тґвкнўн, амулњ сііхн љирєл белглні.

Ґдгі цагт Эрднихнд суврє босххин тґлі мґњгн хоршагдљана.
Эн љилин май сарин 2-т селінд мґрдин урлдан бўрдігдв. Эрднихні малчнр болн арєлачнр эн дґрлдіні єол мґрі – гиигн маши хулдљ авлєнд ик тівцін орулв. Мґрі сін болсн учрар селінд талдан єазрас дала улс ирљ, дґрлдінд орлцв. Тегід эн керг-ўўлдврин ашар 175 мињєн арслњ хоршагдв. Энтн суврє босхлєнд сін тівц болв.

Дікід «Исток В» гидг ООО эн ірўн кергт 50 мињєн арслњ ґгв. Эн нииціг тґрскнч седклті мана нег єазра кўн Валерий Халгаев єардљана. Біірн імтн эн кергт бас мґњгін ґгчіні. Района ДСК-н коллектив (єардачнь Эрдни Мучаев) суврєна ул кехд кергті тосхлтын материалмуд йилєљ ґгід, буйнта кергт орлцв.

Бадм цецгин суврєн Эрднихнд босхгдљахнь учрта. Энд імтн олн љилин туршарт ниитієір бііні, кўнд цагт нег-негндін нґкд болна. Эдн цуєар гўљрљ кґдлід, тґрскн єазран делгрўлљіні. Ах ўйин улс Тґрскін харсгч Алдр діінд орлцад, зґрмг йовдларн нерін туурулсмн. Баєчуд, бичкдўд эдні кесн ач-тусиг мартљахш. Кўўкд-кґвўд кґгшдіс сін ўлгўр авна. Ээљ-аавнрнь эднд кезіњк хальмг авъяс-зањшалын тускар келљ ґгні. Тегід Эрднихнд ўйнрин залєлдан љил ирвіс улм батрад йовна.

Бадм цецгин суврє босхлєна керг-тґрт орлцхар седљіх улс Эрднихн селіні ахлач Николай Эрдниевич Кашаевд љињнўлљ чадљана, мобильн телефона тойгнь: 8 937 465 17 36. Цаєан Амн селінд бііх «Россельхозбанкин» іњгд эн суврє босхлєна тґрір шишлњ тооца секгдлі. Тенд бас мґњгн хоршагдљана.