«Светофор» гидг наад бўрдів

07-08-2014, 16:48 | Таңһчин зәңгс

Август сарин 5-д «Молодая Гвардия Единой России» гидг Цугірісін олна организацин Хальмг региональн іњг «Союз добровольцев России» гидг ВОО-н КРО-ла хамдан Элст балєсна «Булг» бичкдўдин садын кўўкд-кґвўдин тґлі «Светофор» наад бўрдів. Эн керг-ўўлдвр светофорин нарт-делкін Ґдрт нерідгдв.

Молодогвардейцнр светофорин тууљин болн хаалєин љисіні зокалмудын тускар бичкдўдт келљ ґгцхів. Тер ґдр бичкдўдин садт «Эвті єар» гидг мастерской кґдлв. Бичкдўд олн зўсн материалмуд олзлад, светофор кецхів. Дікід эдн шунмєа баєчудын нилчір светофорин туск ахр шўлгўд дасљ авв. Тер шўлгўдін эдн олнд келљ ґгв.

Бичкдўд седвірті баєчудла харєсндан ик байрта бііні. Эдн болн сурємљлачнрнь молодогвардейцнрт ик ханлтан ґргід, эднд дікн иртн гиљ ўрвр кецхів.
«Молодая Гвардия Единой России» гидг Цугірісін олна организацин Хальмг региональн іњгин штабин гешўн, «Союз добровольцев России» гидг ВОО-н КРО-н єардач Амулњ Лиджиеван келсір, бичкдўд эдні келсиг оньган ґгч соњсв. Харєлтын йовудт эдн светофорин тускар соньн юм медљ авв. Иим харєлтс дару-дарунь бўрдієід бііхлі, бичкдўдин медрлнь ґсід йовхнь лавта.

Видео