Эњкр Элст зўркнд ґґрхн

Элстихн балєсндан біідг уульнцдан болн микрорайондан дурта болн эњкр. Одахн 8-ч микрорайона байр болв. Керг-ўўлдврт Элст балєсна толєачин, балєсна Хургин ахлачин ўўлиг дав зуур дааљадг Вячеслав Намруев, Элст балєсна администрацин толєач, «Единая Россия» партин Элстин біірн іњгин сеглітр Артур Дорджиев орлцљ, імтиг йґрів. Љил ирвіс хальмг теегин хотл балєсн ґсід-ґргљід, сііхрід, шинрсн біідл єарад бііні. Шин гермўд, бичкдўдин садмуд, уульнцс тосхгдљана. Элстихн кўч-кґлсірн, билгірн ончрљ, балєсан туурулна. Ик-бає уга тґрскн балєсан, эврі герін, эргндк єазран кеерўлљ, сііхрўлљ, цевр-цер, таалмљта біідл тогтахар шунна.

«Элст балєсна нег давхр гермўдті уульнцст хамгин сін наадлєна (спортивн) талвњ» гидг марєан зарлгдсн билі. Марєана комиссь хотл балєсна 130 уульнц эргід шинљлсмн. Элстихн эврі сін дурар седвір татљ, эврі арє-чидлін єарєљ, шунљ, бичкдўд нааддг болн спортар дамшдг талвњгуд тосхсмн. Тегід марєана ашар хотл балєсна Автомобилистнрин уульнцин, Кирбазарный въездин, ар-барун ўзгин (спортивн талвњ 19-ч тойгта маршрутын сўўлњк зогсалын ґґр бііні) імтнд тўрўн орм ґгхиг шиидв. Тењгрин Уйдл, Цаєан Сар болн Папанині нерті уульнцсин імтн 2-ч орм эзлв. Байрин йовудт Элст балєсна администрацин толєач Артур Дорджиев марєанд нўўрт єарсн Автомобилистнрин уульнцин імтні элч Ирина Емельяненкод, Кирбазарный въездд біідг імтні элч Хасейн Халадовд, ар-барун ўзгин імтні шунмєа багин элч Виктория Чимидовад ахта Ханлтын бичгўд болн 15 арслњга мґњгні мґріс бірўлљ ґгв. Тер мет марєанд хойрдгч орм эзлсн Тењгрин Уйдл, Цаєан Сар, Папанині нерті уульнцсин элчнр Владимир Очир-Горяев, Мингиян Шараев, Анатолий болн Валентина Моргуновихн Ханлтын бичгўдір болн 11 мињєн арслњга мґрісір ачлгдв.

Элст балєс тосхсн, энўні цецгірлтин тґлі кўч-кґлсін єарєљ кґдлсн, сін сурємљ ґгч, ўрн-садан ґскљ-босхсн улс 8-ч микрорайонд олн бііні. Нерті дууч Вячеслав Убушиев эднд ењсг сііхн дууєан нерідв. Ирх љилд бидн Алдр Диилврин 70 љилин ґґниг ґргмљтієір темдглхвидн. Тегід чигн байрин йовудт Тґрскін харсгч Алдр дііні ветеранмудыг йґріљ, эдні ач-тусинь темдглљ, ірўн седклісн ханлтан ґргв. «Родина» сойлын цутхлњгин вокальн багд орлцачнр Руслан Пипенко, Даяна Абушинова болн Данил Очиров (єардачнь РК-н ачта артистк Татьяна Бузылева) дііні болн кўч-кґлсні тоомсрта ветеранмуд Анатолий Борисович Тепшиновд, Лиљ-Єірі Масандаевич Цоргаевд, нань чигн кўндті медітнрт нерідљ, «Мини бичкн Элст» гидг ду дуулв. Дарунь Хальмгин десантникўдин нииціні ахлач очр Халгаев цуглрсн улсиг йґрів. Энўні єардврт дамшдг уйн наста кґвўд эвріннь эв-дован, чадмган ўзўлв.

8-ч микрорайонд біідг імтн нег-негін сіінір медні, хоорндан ниитієір бііні. Энд билгті улс бає биш, тедн дунд тањєчин ачта артистнр Сергей болн Наталья Гадановихн, Виктор болн Елена Хаптахановихн, Елена Бицунова, РК-н сойлын ачта кґдліч Сергей Бурлаченко, Эрдниевихні ўўдігч ґрк-бўл, билгті баянист Санљ Байров йовна. Тер мет сойлын халхар насни-љирєлин туршарт кґдлљ йовсн, ода ачта амрлєндан бііх Любовь Дадаеван, Виктория Хаптаханован, Любовь Реброван нерд заах кергті. 8-ч микрорайонд балєснаннь, тањєчиннь нер туурулљ йовх седвірті, шунмєа, билгті улс олн бііні. Энд бііршлдг дундын школмудт дамшлтта багшнр, бичкдўдин садмудт хамгин сін сурємљлачнр кґдлні.

Убуш болн Долорес Андрюшкеевихні ґнр-ґсклњ, ни-негн ґрк-бўлд 6 ўрн ґсч-босчана. Дґнті икрмўд Олег болн Љирєл гер-бўлдін хамгин бичкн. Долорес болн Убуш кўўкдтін ик оньган, килмљін ґгні, балєсна олн зўсн марєаст шунмєаєар орлцна. Эдн «Парад колясок» гидг марєанд «Олн ўрті ни-негн ґрк-бўл» гидг номинацд ончрсмн. 2013 љилд Москва балєснд «Ірісін кўўкд»улс гидг марєанд Долорес Хальмгин кўўкд улсин элч болад орлцљ, диилвр бірсн билі. Імтн интернетір дамљулљ, энўні тґлі хамгин олар дууєан ґгсмн. Єурвн љил хооран Убуш болн Долорес Андрюшкеевихн медицинск колледжд «Ўр Сар» ансамбль бўрдісмн. Ансамбль ахр цагт ўўлдљіх бийнь ниднієі Сочи балєснд болсн «Аквалоу-2013» гидг уйн билгтнрин нарт-делкін марєанд тўрўн орм эзлв. Байрин йовудт Анрюшкеевихні ґрк-бўлиг йґріљ, Элст балєсна администрацин нерн дееріс белг бірўлљ ґгв. Эдн єардљах «Ўр Сар» ансамбль билг-эрдмін ўзўлљ, байр ўўдів.

Тер мет 8-ч микрорайонд біідг Сергей болн Татьяна Ораскановихні билгті ґрк-бўлиг йґріљ, бас белг белглв. Максим 1-ч тойгта искусствин бичкдўдин школд орна, саксофон татна. Билгті кґвўн Пятигорск балєснд болсн нарт-делкін марєана 1-ч девсњгин лауреат болв. Настя 25-ч тойгта бичкдўдин садт орна, бас эклієін ідл биилхдін дурта. Эн љил Татьяна Орасканован єарддг бииєин коллектив Чехий орн-нутгт болсн бичкдўдин коллективсин дунд бўрдігдсн нарт-делкін марєанд «Бумбин орн» гидг нерідлєті би тівљ, кўндті хойрдгч орм эзлв. Татьяна Уланован сурєульчнр, 8-ч микрорайона уйн наста билгтнр, би биилід, імтнд сергмљ ўўдів.

Байрин керг-ўўлдврт «Восток-сервис» ОАО-н єардач Вячеслав Ульцинов орлцљ, цуглрсн улсиг йґріљ, олн давхр гермўдин комитетмўдин ахлачнрт белгўд бірўлљ ґгв. «Степняночка» орс дууна улсин ансамбль, «Хадрис» улсин ансамбль, «Тюльпанчик» ўлгўр болгч бичкдўдин ансамбль, тер мет 8-ч микрорайод біідг билгтнр Валерия болн Мария Абушиновихн, Мингиян, Эрднь болн Отто Манджаевихн билг-эрдмін ўзўлљ, імтні седкл авлв. Байрт ирсн улс нег-негнлієін ўзлцљ, ґґрхн таньлдж, цаган сергмљтієір давулв.