Суњєврт шунљ орлцв

Целинн районд імтн седклін тівљ суњєврт орлцв. Энд ут тоодан 18 суњєврин участк кґдлв. Пушкинск суњєврин участкд ґрўн 8 часла тўрўн болљ арєлач Герензл Котеева ирљ, дууєан ґгв. Эн љил Целинн территориальн суњєврин комиссин кґдлмшиг Николай Басангович Манджиев чадмгар єардв.
Николай Манджиевин келсір, Целинн районд 14390 кўн суњєврт орлцв. Эн љил Ялмта, Чаєрта, Найнтахн, Хар Булг селідин біірн улс суњєврт шунљ орлцв. Троицк селінд Центральн суњєврин участкд імтн бас олар ирв.

Эн љил Целинн районд суњєврт орлцсн улсас ик зунь (82, 7 процент) Алексей Орловиг («Негдсн Ірісі» парть) дґњнв. Біірн імтні тоолврар, Алексей Маратович мана тањєчиг цааранднь чигн кўцімљтієір єардљ, энўні делгрлтин тґлі темдгті кґдлмш кўціљ чадхмн. Алексей Орлов імтні біідл-љирєл ясрулхар социальн халхар ик кґдлмш кўціљіні. Тањєчин єардач бичкдўдин тґрмўдт єол оньган ґгчіні. Келхд, ґдгі цагт Троицк селінд бичкдўдин сад тосхгдљана.

Эн суњєврин ашар Николай Нуров (КПРФ парть) 7,8 процент хоршав, Пётр Вышкварок (ЛДПР парть) –3, 7 процент, Хоњгр Марилов («Зелёные» гидг экологическ парть) –3 процент. Тегід эн районд Хальмг Тањєчин Толєачин ўўлд орх дґрвн кандидатас Алексей Орлов ончрад диилв. Ґдгі цагт Целинн района улсин ик зунь «Негдсн Ірісід» иткљіні, эн партин нилчір цааранднь чигн олн імтні тґлі чинрті керг-ўўлдврмўд бўрдігдх гиљ эдн тоолљана.