Туризм делгрўлхір

Ґцклдўр Элстд тањєчин экономикин болн хулд-гўўлгіні министерств, спортын, туризмин болн баєчудын политикин министерств, «Японя цутхлњ» («Японский центр») гидг автономн коммерческ биш организац «Президентск программд орлцачнрин негдлт» («Объединение участников Президентской программы») гидг Хальмг региональн олна нииціні орлцлтаєар єазадын орна туристнриг соньмсуллєна тґрір сурєулин семинар бўрдіљ давулв. Семинар туристическ маркетинин, региона брендингин, регионд олн туристнр ирлєиг ґргљўллєні болн єазадын ордудын туристнриг соньмсулєна тґрмўдт нерідгдсмн.

Эн керг-ўўлдвр Ірісін Федерацин олна эдл-ахун организацсин тґлі залврин кадрмуд белдлєні Государственн зура кўцілєні йовудт бўрдігдв. Семинарин йовудт «Японя цутхлњ» гидг АНО-н элчнр «Туристическ бизнес» болн «Агробизнес» гидг тґрмўдір дамшлт авхин тґлі Японь орн-нутгт йовулх улсиг шўўљ авлєна кўўндвр (собеседование) кев.

Керг-ўўлдвриг тањєчин экономикин болн хулд-гўўлгіні министр Эрдени Болдырев секљ, нўр ўг келв. Мана тањєчд 1998 љиліс авн эндр ґдр кўртл РФ-н олна эдл-ахун организацсин тґлі залврин кадрмуд белдлєні президентск программ кўцімљтієір біідл-љирєлд тохрагдљана. Эн программд ут тоодан 304 кўн орлцсн бііні. 150 єар баєчуд кўн орн-нутгин нўўрлгч вузмудт сурєуль сурч, мергљлтін ґґдлўлсмн Эн программд орлцљ, медрлін гўўдўлсн 19 кўн єазадын ордудт, тер тоод Японьд, Итальд, Германьд, Австрийд,Францд, Финляндьд одљ, эврі эрдмин халхар предприятьмўдт дамшлт авсмн.

Ґдгі цагт орчлњд туризм ик делгрлт авчана. Мана тањєчд бас эн халхиг делгрўллєні керг ик чинр зўўљіні. Туризмиг делгрўлљ, імтні хоорндк залєлдаг батрулљ, єазадын олн улс мана тањєчин, сойлын, зањшалын тускар медхмн. Дікід болхла эн халх ґргљўллєн тањєчин делгрлтд нилчін кўргљ, олзта-орута болхнь лавта. Эн харєлт цугтаднь соньн, туста болхиг Эрдени Болдырев дурдв.

Дарунь тањєчин спортын, туризмин болн баєчудын политикин министр Александр Гедерим кўндті гиичнрт болн цуглрсн улст нерідљ йґрілин ўгін нерідв. Єучн љил хооран Краснодарск крайяс Хальмг Тањєчд зуульчлљ ирід, эн єазрт седклнь тусч, тер кевтін энд ўлдсмн. Хамгин тўрўнд цаєан седклті біірн імтн, авъясмуд, зањшалмуд седклинь авлв. Тер мет хальмг улсин хотн, тењгрин біідл, нарта ґдрмўд, хагсу халун энўнд йир таасгдв. Тегід чигн біірн імтн, эдні зањшалмуд, келн-улсин хотн, тењгрин біідл, йиртмљ туристнриг соньмсулљ чадхмн. Эврін хол єазрт одхла, хальмг хагсу халун угаєар, љомба болн хґґні махн угаєар уданд бііљ чаддгов гиљ келв.

Москва балєсна «Японск цутхлњ» гидг АНО-н єардач Хамано Митихиро, лектор Тэнсин Кобаяси эдниг Іідрхніс єарч йовхла, тањєчин мељін ґґр министр Э. Болдырев тосљ авснд ханлтта бііхін медўлв. Эдниг цаєан идієір тоољ, хадг татљ, ик тоомсртаєар, байртаєар тосснднь эдн икір ґврљ. Кесг делкі эргід, олн келн улсла харєсн бийнь мадниг иигљ тўрўн болљ тосв. Хальмг улс гиичнрін ик кўндтієір, сіінір тосдг авъястаєинь эдн медв. Хальмгуд маднла чирі-зўсірн ідл, санан-седклірн ґґрхн улс, ахнр-дўўнр болљ медгдљіні. Тегід чигн гертін біісн болљ медгдљіні гиљ эдн келв.

Хамано Митихирин келсір, мана тањєчд Японск цутхлњ ўўлдљіні, тегід хальмг улсин болн японя келн улсин хоорндк залєлдаг батрулхар, нґкцлтин халхар дґњгін кўргхір эн семинар давулгдљана гив.

Єучн љилдін туризмин халхд кґдлљ йовсн, арвн љилдін эн халхар хоршасн дамшлтарн хувалцљ, медрл ґгч йовх Тэнсин Кобаяси лекц умшв. Ґдгі цагт бизнесин халхар туризм нўўрлгч орм эзлљіні. Нарт-делкін экономикд туризм 10 процент ору ґгчіні. Туризм олн келн улс хоорндк залєлдаг, келн улсин иньглттиг батрулљана.

Туризм делгрўлхір седљіхлі, хамгин тўрўнд эврі єазрт ямаран сііхн, ончта, кўўні седкл авлм тоот бііхин тускар ухалх кергті. Зірм улс эврі єазрин ке-сііхнд иљлдід, энўг учртан авхш. Тегід талын кўўніс юн соньн бііхин, ямаран тоот седкл авлдгин тускар сурљ болхмн. Кемр єазадын орнас ирсн кўўнд тана єазр таасгдхла, эн кўн дікід чигн ирід бііх. Тўрўн болљ тана тањєчд ирсндін тањєчиг сіінір ўзід уга, медід уга болад, тањєчин туст эврі тоолвран келљ чадшгов. Болв хальмг улс цаєан седклті улсинь медўв. Тегід хальмг улсин аъясмудар, зањшалмудар туристнриг соньмсулљ болхмн гив. Тэнсин Кобаяси Японьд туризм делгрўллєні халхар хоршасн дамшлтарн хувалцљ, кесг соньн ўлгўрмўд зааљ ґгв. Керг-ўўлдвр йир соньн, туста болв, семинарт орлцачнр медрл авч, энўг бўрдісн улст ханлтан ґргв.